МІНСК, 27 кас – Sputnik. Літоўскі ўрад зацвердзіў план на выпадак аварыі на Беларускай атамнай электрастанцыі, паведаміла ў сераду прэс-служба Кабміна Літвы.
"Было вырашана зацвердзіць гэты план і вылучыць з дзяржаўнага бюджэту 17,75 мільёна еўра на яго рэалізацыю ў 2022 годзе", - гаворыцца ў паведамленні.
Там таксама адзначаецца, што ў найбліжэйшыя пяць гадоў на ажыццяўленне яго праграм плануецца выдаткаваць 91,5 мільёна еўра.
Паводле слоў намесніка міністра ўнутраных спраў Літвы Віталія Дзмітрыева, пагроза Астравецкай АЭС - пастаянная, таму неабходна забяспечыць гатоўнасць дзяржавы і грамадства да магчымай аварыі.
У плане дзеянняў вызначаны першачарговыя меры, у тым ліку закупка сродкаў індывідуальнай аховы, а таксама арганізацыя аварыйных аператыўных цэнтраў у дзяржустановах у межах 100-кіламетровай зоны ад АЭС.
Беларуская АЭС
Атамную электрастанцыю ў Астраўцы будуюць па расійскім праекце "ВВЭР-1200", які адпавядае ўсім нормам бяспекі МАГАТЭ.
БелАЭС складаецца з двух энергаблокаў з магутнасцю кожнага ў 1200 МВт. Фізічны пуск першага энергаблока адбыўся ў жніўні 2020-га, у агульную энергасістэму краіны яго ўключылі ў лістападзе.
У красавіку бягучага года на БелАЭС было дастаўлена ядзернае паліва для другога энергаблока.
У Літве неаднаразова заяўлялі, што станцыя, якая знаходзіцца ў 50 кіламетрах ад Вільнюса, небяспечная. У сваю чаргу ў Мінску абвяргалі ўсе абвінавачанні, зазначаючы, што АЭС будуецца з захаваннем усіх стандартаў МАГАТЭ, а ў спецыялістаў арганізацыі, якія наведвалі станцыю, ніколі не было да яе прэтэнзій.
Чытайце таксама:
Беларусь з дапамогай БелАЭС ужо зэканоміла 154 млн долараў
Эксперты МАГАТЭ пачалі працу на Беларускай АЭС
Людзей шкада: Лукашэнка не супраць паставак электрычнасці ў Літву і Украіну
Паліва на другім энергаблоку БелАЭС загрузяць да канца года - Мінэнерга
Латвія паскардзіцца ЕС на Літву з-за блакіравання электраэнергіі з Беларусі