МІНСК, 19 ліс — Sputnik. Для ўрэгулявання міграцыйнага крызісу недастаткова зносін прэзідэнтаў Расіі і Беларусі, неабходна працягваць камунікацыю паміж Мінскам і Еўрасаюзам. Пра гэта заявіў прэс-сакратар расійскага лідэра Дзмітрый Пяскоў.
Тэму мігрантаў беларускія ўлады абмяркоўваюць з замежнымі калегамі: у Аляксандра Лукашэнкі было некалькі тэлефонных размоваў з Уладзімірам Пуціным, а таксама два сазвоны з в. а. канцлера Германіі Ангелай Меркель.
"Вядома, для знаходжання шляхоў вырашэння гэтага крызісу недастаткова зносін Лукашэнкі і Пуціна. Вельмі важна працягваць прамыя кантакты паміж Лукашэнкам і прадстаўнікамі ЕС", – сказаў Пяскоў журналістам.
Па словах прэс-сакратара прэзідэнта РФ, "гэта працэс", і шляхі рашэння пакуль не знойдзеныя. Ён дадаў, што крызіс сканцэнтраваны на беларуска-польскай мяжы.
"Сёння як раз абодва прэзідэнты выказалі найглыбейшую заклапочанасць у сувязі з дастаткова агрэсіўнымі дзеяннямі польскіх праваахоўнікаў і вайскоўцаў у дачыненні да мігрантаў", – сказаў Пяскоў.
Размова з Пуціным
У пятніцу прэзідэнты Беларусі і Расіі зноў правялі тэлефонную размову. Паводле звестак прэс-службы Крамля, Аляксандр Лукашэнка праінфарміраваў Уладзіміра Пуціна аб кроках па дээскалацыі крызісу і аказання гуманітарнай дапамогі бежанцам, якія прымаюцца ў Мінску.
Акрамя таго, бакі абмеркавалі чарговую гутарку прэзідэнта Беларусі з выконваючай абавязкі Федэральнага канцлера Германіі Ангелай Меркель.
Чытайце таксама:
Меркель адмовілася прыняць мігрантаў з мяжы - крыніца
Пуцін: Еўропа выкарыстоўвае міграцыйны крызіс для ціску на Мінск
Эйсмант расказала падрабязнасці перагавораў Лукашэнкі і Меркель