Пуцін расказаў, ці будзе зноў балаціравацца на пасаду прэзідэнта РФ

МІНСК, 30 ліс – Sputnik. Уладзімір Пуцін заявіў, што, паводле Канстытуцыі, мае права абірацца на новы прэзідэнцкі тэрмін.

Аб гэтым кіраўнік расійскай дзяржавы паведаміў на інвестыцыйным форуме "Россия зовет".

Пры гэтым ён адзначыў, што пакуль не прыняў рашэнне, балатавацца зноў на прэзідэнцкую пасаду ці не.

Таксама ён дадаў, што казаць аб тым, "хто і што плануе ў 2024 годзе", заўчасна.

Прэзідэнт РФ пракаменціраваў і словы амерыканскага калегі Джо Байдэна, які заявіў, што плануе ўдзельнічаць у наступных прэзідэнцкіх выбарах. Па словах Пуціна, той зрабіў "абсалютна правільна".

"Тое, што прэзідэнт Байдэн аб'явіў аб сваім магчымым перавыбранні, мяркую, што ён зрабіў абсалютна правільна. Таму што калі цяпер ужо пачаць рыхтавацца да выбараў у ЗША, то кіравальнасць краінай у значнай ступені пацерпіць", - падкрэсліў расійскі лідэр.

Нагадаем, што наступныя прэзідэнцкія выбары ў Расіі павінны адбыцца 17 сакавіка 2024 года.

Прэзідэнт РФ пры гэтым назваў галоўную праблему Расіі. Паводле яго слоў, на найбліжэйшыя дзесяць гадоў пытанні дэмаграфіі будуць асноўнымі.

Ён нагадаў, што ў краіне былі дзве дэмаграфічныя ямы. Першая - у часы Вялікай Айчыннай вайны, а другая - пасля развалу Савецкага Саюза. У 1999 годзе, адзначыў Пуцін, быў самы нізкі ўзровень нараджальнасці - 1,2 мільёны чалавек.

Праблема дэмаграфічных спадаў у Расіі стала сістэмнай, яна ўплывае на эканоміку ў сувязі з адсутнасцю патрэбнай колькасці працоўнай сілы на рынку працы.