МІНСК, 2 сне – Sputnik. Прэзідэнт Беларусі Аляксандр Лукашэнка заклікаў еўрапейскія краіны забраць сабе мігрантаў, якія знаходзяцца на беларуска-польскай мяжы. Аб гэтым ён заявіў у інтэрв'ю генеральнаму дырэктару МІА "Россия сегодня" Дзмітрыю Кісялёву.
Па падліках беларускага боку, сярод тых, хто знаходзіцца ў ТЛЦ каля пункта пропуску "Брузгі" - каля 200 дзяцей і столькі ж жанчын. Прэзідэнт запэўніў, што была вывучана "кожная сям'я, кожны чалавек, дзіця, жанчына".
"Забярыце іх да сябе (у краіны ЕС – Sputnik), там добрыя сем'і, прасунутыя, адукаваныя ў пераважнай сваёй большасці, нармальныя людзі", - цытуе Аляксандра Лукашэнку РІА Навіны.
Ён таксама заклікаў Еўропу адкрыць "гуманітарны калідор" і назваў прыкладную лічбу мігрантаў, якія хочуць зараз трапіць у ЕС з тэрыторыі Беларусі.
"Іх жа, вунь, праз Міжземнае мора, Балканы толькі, па-мойму, у мінулым годзе, каля 30 тысяч патрапіла (у Еўропу - Sputnik). Ну што такое паўтары-дзве тысячы? Нічога!" - заўважыў Лукашэнка.
Мігранты як палітычная зброя
Пры гэтым беларускі лідар катэгарычна не згодзен са сцвярджэннямі Захаду аб тым, што ён выкарыстоўвае мігрантаў для дасягнення палітычных мэт, і ў чарговы раз прапанаваў "забраць гэты інструмент" з Беларусі.
"Вось яны бачаць, што ў руках Лукашэнкі нейкі інструмент... Палякі там, амерыканцы, перш за ўсё, і гэтак далей. Але элементарна забраць з рук Лукашэнкі гэты інструмент – і ўсё пытанне вырашыцца. Ну, лагічна? Ну чаму яны не забяруць у мяне гэты інструмент? Адкрыйце гуманітарны калідор", - заклікаў Лукашэнка.
Лагер на мяжы
У пачатку лістапада вялікая група мігрантаў пасялілася ў стыхійным палатачным лагеры на беларуска-польскай мяжы. Пасля няўдалай спробы прарвацца праз мяжу, мігрантаў размясцілі ў часовым лагеры на базе лагістычнага цэнтра каля пункта пропуску "Брузгі".
Некаторыя з іх да гэтага часу працягваюць там знаходзіцца, спадзеючыся нейкім чынам перайсці праз мяжу, хтосьці адправіўся дадому на эвакуацыйных рэйсах. Наведваючы на мінулым тыдні лагер мігрантаў, Лукашэнка заявіў, што ў Беларусі знаходзіцца каля 2-3 тысяч бежанцаў, не лічачы тых, хто жыве ў ТЛЦ на мяжы.
Таксама на Sputnik:
Міністры абароны Польшчы і ЗША абмеркавалі сітуацыю на беларускай мяжы
Калідора не будзе: калі Лукашэнка вырашыць праблему з мігрантамі – відэа
Лукашэнка назваў сапраўдную прычыну міграцыйнага крызісу
Няма шляху назад: мігранты не збіраюцца з'яжджаць дадому
МЗС РФ: мігранты на мяжы Беларусі з'явіліся з-за дзеянняў НАТА