Прывесці ў належны выгляд: Лукашэнка аб пераменах у структуры пасольстваў і МЗС

МІНСК, 20 сне – Sputnik. Знешнепалітычную стратэгію Беларусі трэба прывесці ў належны выгляд, заявіў у панядзелак на нарадзе з кіраўніком беларускага МЗС прэзідэнт краіны Аляксандр Лукашэнка.

Міністр замежных спраў Уладзімір Макей прадставіў кіраўніку дзяржавы прапановы па пераглядзе структуры ведамства і сістэмы дыпслужбы за мяжой.

Ён растлумачыў, што пытанне карэкціроўкі МЗС і замежных дыппрадстаўніцтваў звязана перш за ўсё са знешнепалітычнай абстаноўкай, у якой сёння знаходзіцца Беларусь.

"Усе мы бачым і разумеем, што адбываецца. Асабліва на заходнім вектары нашай знешнеэканамічнай перш за ўсё, знешнепалітычнай дзейнасці. Адсюль мяняюцца і наш усходні і паўднёвы вектары", - дадаў Лукашэнка.

Кіраўнік МЗС Уладзімір Макей заявіў, што выкладзены прэзідэнту план па рэфармаванні сістэмы дыпслужбы дапаможа ўзмацніць працу ў краінах СНД і на далёкай дузе.

Прэзідэнт Беларусі Аляксандр Лукашэнка ў ліпені гэтага года сустрэўся ў Мінску з кіраўнікамі дыпламатычных прадстаўніцтваў.

Ужо тады беларускі лідар заяўляў, што знешнепалітычную стратэгію Беларусі трэба карэкціраваць. У прыватнасці, кіраўніка дзяржавы цікавіла, у якой меры супастаўляюцца сродкі, якія расходуюцца на ўтрыманне сістэмы дыпслужбы, з рэальнымі вынікамі дзейнасці дыпламатаў. Перш за ўсё размова ішла аб абароне нацыянальных інтарэсаў.

Таксама тады Лукашэнка выступіў з прапановай прааналізаваць работу дыпламатычных прадстаўніцтваў рэспублікі ў Еўропе.