Якое надвор'е чакае беларусаў у апошнія дні снежня – Рабаў

МІНСК, 26 сне – Sputnik. Апошнія дні снежня будуць у Беларусі дастаткова халоднымі, аднак непасрэдна ў Новы год будзе цёпла, аб гэтым расказаў беларускі метэаролаг Дзмітрый Рабаў у эфіры тэлеканала АНТ.

Паводле яго слоў, у пачатку тыдня ў краіну паступяць халодныя паветраныя масы з паўночных шырот, якія прывядуць да халодных тэмператур.

У панядзелак істотных ападкаў чакаць не трэба, толькі ў паўночнай частцы краіны магчымы кароткачасовы снег, месцамі на дарогах – галалёдзіца. Уначы слупок тэрмометра апусціцца да дастаткова нізкай адзнакі ў –14… –17°С, днём паднімецца да –4… –6°С.

У аўторак істотных змяненняў надвор'я не будзе: днём ад –4°С да –9°С, ноччу застануцца маразы. Па заходніх раёнах чакаецца снег, на дарогах галалёд.

У сераду ноччу і раніцай магчымы туман, які пагоршыць бачнасць да 500 метраў. Тэмпература паветра ноччу па-ранейшаму будзе да –17°С, днём - да –9°С.

Аднак бліжэй да Новага года пацяплее з-за атмасферных франтоў з Заходняй Еўропы. Па гэтай прычыне маразы аслабнуць, аднак з'явяцца шчыльныя аблокі.

У чацвер магчымы снег, парывісты вецер. Уначы слупкі тэрмометраў пакажуць –5°С... –10°С, днём будзе да –8°С.

У апошні дзень адыходзячага года ў некаторых раёнах пацяплее да +2°С, але месцамі ўсё ж застанецца мінусавая тэмпература - да –3°С.

Першыя дні 2022 года, паводле прагнозаў, надвор'е вызначыць цыклон з цэнтрам над паўночным захадам Еўропы, які прынясе воблачнае з праясненнямі надвор'е. Так, 1 студзеня будзе ясным, тэмпература днём будзе вагацца ад 0 да +2°С. Таксама магчымы кароткачасовы снег.