МІНСК, 30 сне – Sputnik. Прэзідэнт Расіі павіншаваў з надыходзячым Новым 2022 годам і Калядамі кіраўнікоў замежных дзяржаў і ўрадаў, а таксама кіраўнікоў міжнародных арганізацый, гаворыцца ў паведамленні прэс-службы Крамля.
У віншаванні Аляксандру Лукашэнку падкрэсліваецца, што нягледзячы на моцны ціск звонку і абмежавальныя меры, выкліканыя каронавіруснай інфекцыяй, Маскве і Мінску ўдалося эфектыўна супрацоўнічаць, вырашаючы маштабныя задачы.
Бакі здолелі вывесці на новы якасны ўзровень інтэграцыю ў рамках Саюзнай дзяржавы.
"Расійскі лідар выказаў упэўненасць, што рэалізацыя палажэнняў дакументаў, прынятых па выніках лістападаўскага пасяджэння Вышэйшага Дзяржаўнага Савета Саюзнай дзяржавы, дасць магчымасць максімальна зблізіць заканадаўства дзвюх краін, рушыць наперад у стварэнні адзінай эканамічнай прасторы, а таксама паспяхова каардынаваць намаганні ў супрацьстаянні актуальным выклікам і пагрозам", - гаворыцца ў паведамленні прэс-службы Крамля.
Напярэдадні Пуцін і Лукашэнка больш за тры гадзіны размаўлялі ў Канстанцінаўскім палацы, абмяркоўваючы двухбаковыя адносіны. Пры гэтым лідары надалі некалькі хвілін і прэсе, зрабіўшы кароткую заяву.
Прэзідэнты дзвюх краін канстатавалі, што ў эканамічным і палітычным плане год для двухбаковых адносін выдаўся паспяховым. Таксама яны дамовіліся, што ў пачатку наступнага года на беларускай тэрыторыі можа прайсці чарговае вайсковае вучэнне з удзелам расійскіх вайскоўцаў.
Пасля размовы за зачыненымі дзвярыма прэзідэнты адправіліся ў лядовы палац "Юбілейны", дзе згулялі ў хакей са знакамітымі спартсменамі. Пуцін і Лукашэнка гулялі ў адной камандзе, але ў розных звеннях. Першым з лідараў дзвюх краін адправіў у вароты шайбу прэзідэнт Расіі.
Мікалай Лукашэнка таксама выйшаў на лёд і нават закінуў чатыры шайбы.
Чытайце таксама:
Пуцін расказаў, як будзе сустракаць Новы год
Эйсмант расказала, пра што будзе гаварыць Лукашэнка ў навагоднюю ноч
Без нечаканасцей: Пяскоў распавёў, як Пуцін сустрэне Новы год