МІНСК, 18 сту – Sputnik. Пасля прыняцця абнаўленняў у Канстытуцыю ў краіне можна будзе пачаць фарміраванне новых органаў улады, аб гэтым прэзідэнт Беларусі Аляксандр Лукашэнка заявіў на нарадзе па выніках усенароднага абмеркавання праекта змяненняў у Асноўны закон.
"Калі мы гэта ўсё зробім, устаканім, дашліфуем, калі гэта трэба будзе, тады, калі ласка, прыходзьце, будзем фарміраваць новыя органы ўлады і жыць далей па новых законах і новых правілах", - сказаў ён.
Паводле яго слоў, улады не шукаюць дапамогі "за ўзгоркам" для таго, каб прывесці да лагічнага заканчэння канстытуцыйны працэс.
"Гэта мы зробім, гэта не праблема. Мы гэта будзем рабіць, каб усе ведалі, з цяперашнім парламентам, з вамі, з цяперашнімі спецыялістамі", - заявіў кіраўнік дзяржавы.
Лукашэнка сваё зрабіў
Пры гэтым ён адзначыў, што заявы апанентаў аб тым, што "гэта патрэбна толькі Лукашэнку" няправільныя.
"Калі ўжо шчыра, то мне гэты працэс абсалютна не патрэбен. У мяне, як вы бачыце, ёсць маса пытанняў, ёсць чым займацца. Выбачайце за нясціпласць, часам настолькі іх шмат, што нават пасядзець дзесьці дома, перахварэць і гэтак далей няма магчымасці", - адзначыў прэзідэнт.
У якасці прыкладу ён расказаў пра беларускіх міратворцаў, якія нядаўна вярнуліся і якія знаходзіліся ў Казахстане ў рамках місіі АДКБ.
"Не могуць не вярнуцца мае сыны, мае хлопцы, больш за 200 чалавек... Я іх не магу не сустрэць у аэрапорце, і даручыць нікому гэта не магу", - сказаў беларускі лідар.
Ён заклікаў пры фармаванні паправак у Асноўны закон не замыкацца "на Лукашэнку".
"Лукашэнка сваё зрабіў. Засталося асноўнае - прыняць Канстытуцыю, змяніць законы, прывесці ў адпаведнасць з Канстытуцыяй", - заявіў беларускі лідар.
У Канстытуцыі ўсё не прапішаш
Пры гэтым прэзідэнт звярнуў увагу, што ні ў Канстытуцыі, ні ў законах усё не прапішаш.
"Мы з вамі, звычайныя людзі, 90% жывуць жа не таму, што яны вывучылі Канстытуцыю і ведаюць законы. Яны дакладна разумеюць, што можна, а што нельга, што дрэнна, а што добра", - упэўнены прэзідэнт.
На яго думку, законапаслухмянасць фарміруецца стагоддзямі. А кожны год і дзесяцігоддзе прыўносяць нешта новае - так і фарміруецца лад жыцця, які ўласцівы таму ці іншаму народу. Пры гэтым Лукашэнка выказаў жаданне, каб Асноўны закон не быў перанасычаны дэталямі, якія можна распісаць ужо на ўзроўні законаў і падзаконных актаў.
Выказаліся ўсе
Што да абмеркавання змяненняў і дапаўненняў у Канстытуцыю, кіраўнік дзяржавы адзначыў, што выказацца наконт гэтага маглі ўсе жадаючыя. Уласна, і сам праект змен Канстытуцыі з'яўляецца вынікам дыскусій, сустрэч, абмеркаванняў на дыялогавых пляцоўках.
"Па крайняй меры, ніхто мяне не можа папракнуць, што ў нас тут была абсалютная дыктатура і мы не давалі магчымасці людзям выказацца", - сказаў на заканчэнне прэзідэнт. - "Выказаліся ўсе, хто хацеў бы гэта зрабіць".
Новая Канстытуцыя
Праект абноўленай Канстытуцыі з'явіўся ў адкрытым доступе 27 снежня.
Любому грамадзяніну Беларусі была дадзена магчымасць накіраваць свае прапановы па праекце дакумента ў любы дзяржорган. Улады паведамляюць, што ў рамках усенароднага абмеркавання праекта абнаўленняў ад насельніцтва паступіла каля 6 тысяч прапаноў.
Плануецца, што канстытуцыйны рэферэндум пройдзе ў лютым 2022 года.
Таксама на Sputnik:
Апублікаваны праект змен у Канстытуцыю Беларусі
Семчанка: у праекце Канстытуцыі Беларусі бачу два спрэчныя моманты
БПЦ будзе настойваць на сваіх папраўках у Канстытуцыю
Намеснік кіраўніка МЗС РФ Рудэнка: канстытуцыйная рэформа – унутраная справа Беларусі
Больш за палову беларусаў гатовы прыйсці на рэферэндум – сацапытанне