МЗС РФ: пасольства Расіі ў Кіеве працуе ў штатным рэжыме

МІНСК, 18 сту - Sputnik. У Міністэрстве замежных спраў Расійскай Федэрацыі пракаменціравалі інфармацыю аб высылцы расійскіх дыпламатаў з Украіны, якая нібыта мае месца.

Раней газета New York Times апублікавала матэрыял, у якім сцвярджаецца, што РФ мае намер эвакуіраваць дыпламатаў з Украіны.

"За тыдзень да пачатку інтэнсіўных дыпламатычных сустрэч з нагоды нарошчвання расійскіх войскаў на мяжы з Украінай амерыканскія і ўкраінскія чыноўнікі здалёк назіралі за тым, як Расія пачала спусташаць сваё пасольства ў Кіеве, сталіцы Украіны", - піша New York Times.

Выданне са спасылкай на высокапастаўленага супрацоўніка службы бяспекі Украіны піша, што супрацоўнікам двух консульстваў РФ ва Украіне нібыта загадана падрыхтавацца пакінуць краіну.

Акрамя таго, па дадзеных New York Times у сераду, 5 студзеня, група з 18 чалавек, большасць з якіх жанчыны і дзеці, села ў аўтобусы, якія накіроўваліся ў РФ. Следам за імі на працягу некалькіх дзён тэрыторыю Украіны нібыта пакінулі яшчэ каля 30 чалавек, якія знаходзіліся ў Кіеве і Львове. Колькасць дыпламатаў сярод іх не ўказваецца.

Акрамя гэтага, выданне прыводзіць словы амерыканскага чыноўніка, які заявіў, што ёсць звесткі аб тым, што падрыхтоўка да эвакуацыі членаў сем'яў з расійскага пасольства ішла ў канцы снежня і пачатку студзеня".

У апошні час Захад і Украіна абвінавачваюць Расію ў "агрэсіўных дзеяннях", што неаднаразова было абвергнута. Расія заяўляе, што нікому не пагражае і ні на каго не збіраецца нападаць, а заявы аб "агрэсіі РФ" выкарыстоўваюцца ў якасці падставы для размяшчэння ваеннай тэхнікі НАТА паблізу ад расійскіх межаў.

Пры гэтым Кіеў і заходнія дзяржавы апошнім часам выказваюць занепакоенасць у сувязі з нібыта ўзмацненнем "агрэсіўных дзеянняў" з боку Расіі ля межаў Украіны. Прэс-сакратар прэзідэнта РФ Дзмітрый Пяскоў заяўляў, што Расія перамяшчае войскі ў межах сваёй тэрыторыі і на сваё меркаванне. Па ягоных словах, гэта нікому не пагражае і нікога не павінна хваляваць.