МІНСК, 3 лют – Sputnik. Падраздзяленні МУС Украіны 4 лютага правядуць вучэнні ў зоне адчужэння Чарнобыльскай АЭС.
Як паведамляе прэс-служба Дзяржагенцтва па кіраванні зонай адчужэння, манеўры звязаны з узмоцненай аховай дзяржграніц.
"У сувязі з сітуацыяй павышанай абароны і ўзмоцненай аховай знешніх і ўнутраных граніц нашай дзяржавы і па ініцыятыве міністэрства ўнутраных спраў, Нацыянальнай гвардыі Украіны, Нацыянальнай паліцыі і Дзяржаўнай службы па надзвычайных сітуацыях у зоне адчужэння 4 лютага адбудуцца агульныя тактыка-спецыяльныя вучэнні", - сказана у паведамленні.
Па дадзеных ведамства, у манеўрах адпрацуюць работу падраздзяленняў МУС пры выкананні задач па абароне населенага пункта, тактыцы вядзення баявых дзеянняў у гарадской мясцовасці і ліквідацыі іх наступстваў.
На вучэнні запрасілі паслоў замежных дзяржаў, а таксама прадстаўнікоў краін-партнёраў.
Раней амерыканскі тэлеканал Sky News выпусціў рэпартаж, у якім сцвярджаў, што Расія можа пачаць "наступленне" на Кіеў праз Чарнобыль.
Непрадказальная абстаноўка
Сёння, 3 лютага, пасол Украіны ў Беларусі быў выкліканы ў МЗС. Яму заяўлены пратэст з-за запуску ўкраінскага беспілотніка на беларускую тэрыторыю 24 студзеня для разведкі.
У сетцы з'явілася фатаграфія беспілотніка, які, як мяркуецца, вёў разведку каля палігона "Брэсцкі".
МЗС Украіны абверг заяву Мінска аб запуску беспілотніка на беларускую тэрыторыю.
"Чарговая правакацыя ўлад у Беларусі", - заявілі ў дыпведамстве.
Раней прэзідэнт Беларусі Аляксандр Лукашэнка выказваў заклапочанасць непрадказальнасцю сітуацыі на беларуска-ўкраінскай мяжы. Паводле яго слоў, Украіна працягвае нарошчваць сілы, засяроджваючы падраздзяленні нацыянальнай гвардыі з "нацыяналістаў-радыкалаў".
Занепакоенасць Кіева
Украінскія ўлады яшчэ ў лістападзе мінулага года заявілі аб намеры размясціць дадатковыя сілы і сродкі на паўночнай мяжы, Кіеў матываваў гэта поўнамаштабным міграцыйным крызісам.
Таксама Кіеў і заходнія краіны выказваюць занепакоенасць у сувязі з нібыта ўзмацненнем "агрэсіўных дзеянняў" з боку Расіі ля межаў Украіны.
Масква не раз аспрэчвала падобныя абвінавачванні, падкрэсліваючы, што нікому не пагражае і ні на каго не збіраецца нападаць, а заявы аб "агрэсіі РФ" выкарыстоўваюцца як падстава, каб размясціць больш вайсковай тэхнікі НАТА паблізу расійскіх межаў.
Чытайце таксама:
Лукашэнка назваў галоўную мэту вучэнняў на мяжы з Украінай
Пасла Украіны выклікалі ў МЗС Беларусі
Патрушаў: Расія не хоча вайны, а нібыта "пагрозы" Украіне – недарэчнасць