МІНСК, 11 лют – Sputnik. Каля 50 прадпрыемстваў Краснадарскага краю экспартуюць прадукцыю ў Беларусь, сказаў пасол РФ Барыс Грызлоў у ходзе сустрэчы з кіраўніком расійскага рэгіёна Веніямінам Кандрацьевым, перадае карэспандэнт Sputnik.
Паводле слоў Грызлова, у мінулым годзе Саюзная дзяржава атрымала магутны імпульс для свайго развіцця пасля падпісання 4 лістапада 2021 года дэкрэта аб далейшым развіцці. Таксама тады былі зацверджаны 28 саюзных праграм.
"Адзін з важных складальнікаў гэтага развіцця – міжрэгіянальнае супрацоўніцтва Расіі і Беларусі. Краснадарскі край прымае актыўны ўдзел ва ўзаемадзеянні", - адзначыў кіраўнік дыпмісіі.
Барыс Грызлоў нагадаў губернатару, што яшчэ ў 2002 годзе быў падпісаны дагавор аб гандлёва-эканамічным, культурным і навуковым супрацоўніцтве паміж Краснадарскім краем і Беларуссю, а ў 1997 годзе ў рэспубліцы было адкрыта прадстаўніцтва расійскага рэгіёна.
"Усё гэта сведчыць аб тым, што ў вас сур’ёзныя намеры. Каля 50 прадпрыемстваў Краснадарскага краю экспартуюць прадукцыю ў Беларусь. Аб’ём гандлёвага абароту ў 2021 годзе склаў 329 мільёнаў долараў, але ў папярэднім было крыху больш, адбыўся спад на 4%. Напэўна, гэтая сітуацыя звязана з пандэміяй", - выказаў меркаванне расійскі пасол.
Пасол РФ у Беларусі Барыс Грызлоў у ходзе сустрэчы з губернатарам Краснадарскага краю Веніямінам Кандрацьевым
© Sputnik / Виктор Толочко
Пры гэтым ён асабліва адзначыў, што падчас свайго візіту дэлегацыя Краснадарскага краю паставіла задачу павысіць эфектыўнасць узаемадзеяння. Ужо адбыліся сустрэчы з кіраўніцтвам Міністэрства прамысловасці, Мінсельгасхарча, МАРГ.
"Упэўнены, што ў вас будуць дадатковыя кантракты па імпарце і экспарце. Спадзяюся, што ў 2022 годзе тавараабарот вырасце і гэта будзе вялікі ўклад ва ўзаемадзеянне Расіі і Беларусі і, у тым ліку, на міжрэгіянальным узроўні", - падсумаваў Барыс Грызлоў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Галоўчанка: аб’ём гандлю з Піцерам у 2021 годзе перавысіў $1,5 млрд
Галоўчанка прызнаў, што ў гандлі з Тывой пахваліцца няма чым
Мінск-Сімферопаль: у Беларусі прэзентавалі магчымасці Крыма
Жыхары Прымор'я стаяць у чэргах за беларускімі прадуктамі - Багданаў
Бранская вобласць зацікаўлена ў беларускіх калійных удабрэннях