Як у Кальчунах "Загаўліны" спраўлялі - фота

У перыяд перадвелікоднага паста харчаванне вернікаў складаецца ў асноўным з гародніны ды каш з хлебам. Таму збірацца на вячоркі напярэдадні гэтага важнага для каталікоў часу - народная традыцыя, якую беражліва захоўваюць у многіх паселішчах Беларусі. І жыхары Кальчуноў не выключэнне.

Вясёлыя аднавяскоўцы заўсёды з задавальненнем збіраюцца, каб разам паўдзельнічаць у тэатралізаваным абрадавым дзеянні "Загаўліны". Гэта значыць справіць "прабачальную бяседу", "працянуць калодку", патанцаваць, праявіць спрыт у заплятанні кос са стужак, прадставіць свае асабістыя рэцэпты прыгатавання беларускіх страў, пакаштаваць ад гаспадароў традыцыйных прысмакаў і духмяных мясных страў.

1 / 13

Найперш жыхары вёскі на кані збіраюць па хатах старыя рэчы, каб спаліць іх увечары на агульным яркім вогнішчы.

2 / 13

На гук песнь і музычных інструментаў маладыя і старыя далучаюцца да свята.

3 / 13

Якое свята без гарманіста?

4 / 13

Потым збіраюцца ў вялікай хаце на вячоркі.

5 / 13

Бліны - абавязковы атрыбут свята.

6 / 13

Нежанатым хлопцам прывязваюць да нагі бярозавыя палена, яны павінны ці з імі хадзіць ці адкупіцца.

7 / 13

Цікавая традыцыя ў "Загаўлінах": прыбіраюць бярозавае палена як нованароджанае дзіця і дораць незамужняй дзяўчыне, каб яна сёлета выйшла замуж.

8 / 13

А пасля пачынаюцца вясёлыя народныя танцы!

9 / 13

Пудзіла (ляльку) носяць з сабой, але потым не паляць. Падол ірвуць на часткі і потым закопваюць у агародах для павелічэння ўраджайнасці.

10 / 13

Дзеці заўсёды з задавальненнем назіраюць за тым, як адбываецца абрад.

11 / 13

Падчас свята гучыць шмат абрадавых песень.

12 / 13

Памятаеце з чаго пачыналася свята? Прыйшоў час спаліць старыя рэчы.

13 / 13

Колькі добрых эмоцый засталося пасля "Загаўлін"!

Таксама на Sputnik:

Беларускія звычаі і традыцыі святкавання Масленіцы

На Грамніцы зіма з вясною сустрэлася: свята ў Строчыцах у фотаздымках

Калядныя спевы: я каза-страказа, паўбока луплена, за тры грошы куплена