МІНСК, 4 сак - Sputnik. Савет міністраў Паўночных краін (Данія, Ісландыя, Нарвегія, Фінляндыя і Швецыя) прыпыняе супрацоўніцтва з Расіяй і Беларуссю, паведамляе арганізацыя.
Прычына такога рашэння - ваенная аперацыя Расіі на Украіне. Прыпыненне супрацоўніцтва паміж урадамі краін Паўночнай Еўропы, Расіі і Беларусі азначае, што ўсе праграмныя, праектныя і іншыя мерапрыемствы будуць на час прыпынены.
Саветы міністраў супрацоўнічалі з 1995 года. За гэты час удалося рэалізаваць мноства праектаў у ахове здароўя, у сферы клімату і СМІ.
"Мэтай гэтага супрацоўніцтва заўсёды было ўмацаванне даверу, узаемаразумення і развіцця ў рэгіёне", - адзначаецца ў паведамленні арганізацыі. Там дадалі, што пасланне (аб прыпыненні) супрацоўніцтва адрасавана толькі расійскаму і беларускаму ўрадам, а не народам гэтых краін.
Паўночная рада – арганізацыя міжурадавага і міжпарламенцкага супрацоўніцтва краін Паўночнай Еўропы, заснаваная ў 1952 годзе. Штаб-кватэра арганізацыі размешчана ў Капенгагене, мае прадстаўніцтвы ў краінах Балтыі. Пастаяннае членства ў савеце маюць Данія, Ісландыя, Нарвегія, Швецыя і Фінляндыя (з 1956 года), а таксама аўтаномныя тэрыторыі – Аландскія астравы, Грэнландыя, Фарэрскія астравы.
Расійская спецаперацыя на Украіне
Расія пачала ваенную аперацыю на Украіне раніцай у чацвер, 24 лютага. Прэзідэнт Уладзімір Пуцін назваў яе мэтай абарону жыхароў Данбаса, а таксама "дэмілітарызацыю і дэнацыфікацыю Украіны".
На сённяшні дзень адбыліся ўжо два раунды перагавораў паміж Расіяй і Украінай, абодва яны прайшлі ў Беларусі. Падчас другога раунда бакам удалося дасягнуць дамоўленасцей па некаторых пытаннях. Прадугледжваецца, што трэці раунд пройдзе таксама ў Беларусі ў пачатку наступнага тыдня.
>>> Самая актуальная інфармацыя аб перамовах Расіі і Украіны - у Telegram-канале Sputnik Беларусь
Чытайце таксама:
Intel прыпыняе пастаўкі прадукцыі ў Расію і Беларусь
ІКЕА спыняе працу ў Беларусі
Turkish Airlines пакуль не будзе лятаць у Мінск