МІНСК, 7 сак – Sputnik. Больш за 5 123 000 чалавек прайшлі поўны курс вакцынацыі ад каронавіруснай інфекцыі, адну дозу зрабілі 5 707 000 чалавек, такія лічбы паведаміла прэс-служба міністэрства аховы здароўя Беларусі.
У лідарах – сталіца, у Мінску прышчапіліся больш за 962 тысячы чалавек.
Па дадзеных Міністэрства аховы здароўя, сярод абласцей лідзіруе Гомельская – там вакцынавана 769,7 тысяч чалавек.
Далей ідуць Брэсцкая (больш за 726,6 тысяч), Мінская (больш за 714,2 тысячы), Віцебская (больш за 684,9 тысячы), Гродзенская (больш за 583,2 тысячы), і на апошнім месцы Магілёўская вобласць – больш за 575,8 тыс.
Як адзначылі ў ведамстве, больш за 106,8 тыс супрацоўнікаў арганізацый і ведамстваў завяршылі ўвесь курс вакцынацыі.
Акрамя таго, больш за 64 тысячы падлеткаў 12-17 гадоў зрабілі першую дозу вакцыны, з іх больш за 38,2 тыс прайшлі поўны курс.
"Такім чынам, ахоп адной дозай вакцыны склаў 61% ад агульнай колькасці насельніцтва краіны, поўным курсам вакцынацыі ахоплена 54,8% насельніцтва", - падвялі вынік у Міністэрстве аховы здароўя.
Чацвёртая хваля заканчваецца
Як заявіў раней кіраўнік Міністэрства аховы здароўя Дзмітрый Піневіч, Беларусь выходзіць з чарговай хвалі каронавіруса. Аднак не выключыў, што пры гэтым захаваецца вялікая колькасць цяжкіх выпадкаў. На яго думку, чацвёртая хваля, якая адзначылася захворваннем на штам "амікрон", стане апошняй у фармаце пандэміі.
"Спадзяюся, што восенню мы ўжо будзем бачыць звычайны эпідэмічны ўздым: каронавірусная эпідэмія стане сезоннай", - адзначыў Піневіч.
Паступова з каронавіруснага рэжыму выходзяць усё больш стацыянараў. Так, у Мінску да 1 сакавіка бальніцы №2 і №3 пераведзены ў звычайны рэжым працы, у "змяшаным" рэжыме застаецца радзільны дом бальніцы №6, да планавай працы вярнуліся два аддзяленні (інфарктнае і дыябетычнай ступні) у бальніцы №10.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Мінздароўя: пандэмія можа скончыцца, а каронавірус - стаць сезонным да восені
Цяжарнасць і каронавірус: урач распавёў аб сімптомах, лячэнні і рызыках
Эпідэміёлагі расказалі, калі каронавірус у Беларусі пойдзе на спад
Дыягназ "каронавірус" змогуць ставіць без правядзення ПЦР
Як каронавірус уплывае на знешнасць людзей, распавялі лекары