Пяскоў: спецаперацыю можна спыніць у любы момант, калі Кіеў выканае ўмовы

МІНСК, 7 сак – Sputnik. Расія можа спыніць спецыяльную аперацыю на Украіне "ў любы момант", калі Кіеў выканае ўмовы Масквы, заявіў прэс-сакратар прэзідэнта РФ Дзмітрый Пяскоў у інтэрв’ю агенцтву "Рэйтэр".

Інтэрв’ю выйшла крыху больш чым за дзве гадзіны да трэцяга раунда перагавораў РФ і Украіны.

І патлумачыў: спецаперацыя спыніцца, калі Украіна ўнясе папраўкі ў Канстытуцыю і адмовіцца ад прэтэнзій на ўступленне ў "які-небудзь блок", а таксама прызнае Крым – расійскім, а ДНР і ЛНР – незалежнымі дзяржавамі.

Прэс-сакратар расійскага прэзідэнта таксама адзначыў, што Расія завяршае дэмілітарызацыю Украіны і завершыць яе.

"Ім (украінцам - Sputnik) варта спыніць баявыя дзеянні", - падкрэсліў ён.

Прэзідэнт Расіі Уладзімір Пуцін 21 лютага заявіў аб прызнанні народных рэспублік Данбаса і падпісаў адпаведныя ўказы, 24 лютага расійскі лідар аб’явіў аб пачатку ваеннай спецаперацыі ў Данбасе.

Практычна адразу ж прагучалі заявы аб неабходнасці пачаць перамовы. У выніку першы іх раунд адбыўся 28 лютага непадалёку ад украінска-беларускай мяжы ў Гомельскай вобласці. Бакі ў той дзень абмежаваліся кароткімі заявамі, а потым адбылі на кансультацыі ў свае сталіцы.

Другі раунд прайшоў на беларуска-польскай мяжы, у раёне Белавежскай пушчы – месца было перанесена па просьбе ўкраінскага боку. Сустрэча павінна была адбыцца ўвечары 2 сакавіка, аднак яе перанеслі на раніцу 3 сакавіка, бо з-за складанай лагістыкі ўкраінскі бок не паспяваў прыбыць на сустрэчу.

На сустрэчы бакі вызначыліся па гуманітарных калідорах для эвакуацыі мірнага насельніцтва і спыненні агню на гэты час. Трэці раунд чакаецца ў панядзелак, 7 сакавіка.