МІНСК, 13 сак - Sputnik. Афіцыйны прадстаўнік Мінабароны Расіі генерал-маёр Ігар Канашэнкаў распавёў аб ходзе спецаперацыі РФ на Украіне.
"Падраздзяленні расійскіх узброеных сіл за суткі рушылі да 14 кіламетраў. У ходзе наступальных дзеянняў устаноўлены кантроль над паўднёвымі раёнамі населеных пунктаў Благадатнае, Уладзіміраўка, Паўлаўка і Нікольскае", – заявіў ён.
Акрамя таго, групоўка войскаў Луганскай народнай рэспублікі, па дадзеных Мінабароны РФ, блакавала ўсходнюю і паўднёвую частку Севераданецка, цалкам блакавала населены пункт Бароўскае, замацавалася ў паўночных раёнах горада Попасная.
Мінабароны паказала карту, на якой абазначаны тэрыторыі, якія знаходзяцца пад кантролем войскаў Расіі, а таксама ЛНР і ДНР.
© Photo : Министерство обороны РФ
Акрамя таго, авіяцыя і СПА паветрана-касмічных сіл РФ збілі адзін Су-24 украінскіх ваенна-паветраных сіл у раёне Любімаўкі і два беспілотнікі.
Што тычыцца ваеннай інфраструктуры Украіны, то з пачатку ваеннай аперацыі выведзена са строю 3687 аб'ектаў, прывёў дадзеныя генерал маёр.
Ён таксама расказаў, што ў Нікольскім баевікі нацбатальёна "Айдар" абсталявалі агнявыя пазіцыі на тэрыторыі праваслаўнага Свята-Успенскага Мікола-Васільеўскага манастыра, дзе трымалі ў заложніках каля 300 манахаў і мірных жыхароў. Расійскія падраздзяленні пры вызваленні гэтага населенага пункта знішчылі частку неанацыстаў, заложнікі не пацярпелі, будынкам манастыра ўрон не быў нанесены.
>>> Жадаеце яшчэ больш актуальных і цікавых навін - падпісвайцеся на Telegram-канал Sputnik Беларусь
Таксама на Sputnik:
Чацвёрты раунд перамоў РФ і Украіны можа прайсці ў бліжэйшыя дні
Кіраўнік Генштаба растлумачыў "канапавым аналітыкам" перамяшчэнне войск па Беларусі
Дарога да выратавання: сотні бежанцаў з Украіны ідуць у Беларусь