Мінтранс падрыхтаваў пагадненне з РФ аб транспарціроўцы беларускіх грузаў

МІНСК, 25 кра - Sputnik. Профільныя ведамствы Беларусі і Расіі падрыхтавалі праект пагаднення аб транспарціроўцы праз расійскую тэрыторыю асноўных экспартных грузаў, у тым ліку праз парты, паведаміў першы намеснік міністра транспарту і камунікацый Беларусі Аляксей Ляхновіч.

"Падрыхтавана пагадненне паміж Беларуссю і Расіяй па транспарціроўцы асноўных масавых грузаў", - цытуе Ляхновіча газета "СБ. Беларусь сегодня".

Паводле слоў першага намесніка міністра, кампраміс з расійскім бокам па гэтаму пытанню дасягнуты, але Мінску яшчэ трэба скласці табліцу экспартуемых тавараў з указаннем аб'ёмных паказчыкаў, каб завяршыць перагаворны працэс.

Ляхновіч таксама ўдакладніў, што ў пагадненні прапісаны розныя парты - у Ленінградскай вобласці, на берагах Чорнага і Каспійскага мораў.

Першы намеснік міністра таксама адзначыў, што цяпер уносяцца змяненні ў пагадненне з Расіяй па транспарціроўцы экспартных грузаў канцэрна "Белнафтахім".

Паводле яго слоў, у 2021 годзе быў складзены лагістычны ланцужок для працы "Белнафтахіма" з паўночнымі расійскімі партамі, аб чым падпісалі адпаведныя дакументы.

Цяпер у яго ўносяцца змяненні, каб "Белнафтахім" мог выкарыстоўваць не толькі паўночныя расійскія парты, але і паўднёвыя расійскія марскія тэрміналы, адзначыў першы намеснік міністра.

Пасля ўведзеных у дачыненні да Беларусі заходніх санкцый, Мінск адмовіўся ад экспарту і транзіту сваіх праз парты балтыйскіх краін, бо ўлады Літвы фактычна зрабілі немагчымым выкарыстанне тэрмінала для калійных удабрэнняў у Клайпедзе. Пры тым, што беларуская кампанія з`яўлялася яго акцыянерам.

Мінск заявіў, што мае намер пераарыентаваць транзіт і пачаў весці перагаворы на высокім і ведамасным узроўні з расійскім бокам. Да праблемы падключыліся кіраўнікі дзвюх дзяржаў і кіраўнікі ўрадаў.

У канцы сакавіка прэм'ер-міністр Беларусі Раман Галоўчанка заявіў, што праблем з транзітам беларускіх грузаў не будзе. Пры гэтым ён падкрэсліў, што беларускі бок прызвычаіўся працаваць ва ўмовах заходніх санкцый, таму ўлады часу не гублялі часу дарэмна і адпрацоўвалі з расійскімі партнёрамі схемы дастаўкі грузаў, якія ідуць на экспарт.

"Партоў у Расіі дастаткова, проста пад розныя грузы падыходзяць розныя тэрміналы. У сувязі з гэтым беларуская прамысловасць праблем з адгрузкай сваёй прадукцыі адчуваць не будзе", - сказаў Галоўчанка.