Дадатковы аўтобус з Мінска ў Вільнюс запусцяць 28 мая

МІНСК, 19 мая – Sputnik. Дадатковы аўтобусны рэйс запусцяць па маршруце Мінск - Вільнюс ў суботу, 28 мая, пра гэта паведамілі ў прэс-службе "Мінсктранса".

Як удакладнілі на прадпрыемстве, аўтобус будзе адпраўляцца з мінскага аўтавакзала "Цэнтральны" ў 8:45 і прыбываць у Вільнюс ў 13:15. З літоўскай сталіцы ў зваротным напрамку ён будзе адпраўляцца ў 14:30 з прыбыццём у Мінск у 19:10.

Білеты на гэты дадатковы рэйс ужо ў продажы. Кошт білета з Мінска ў Вільнюс абыдзецца ў 60 беларускіх рублёў, а вось зваротная дарога будзе каштаваць крыху даражэй - 64 рублі.

Раней у Мінсктрансе паведамілі, што ранішні рэйс па маршруце Мінск - Рыга з 1 чэрвеня будзе выконвацца ў штодзённым рэжыме.

Аўтобус будзе адпраўляцца ад мінскага аўтавакзала "Цэнтральны" ў 8:40. А каб вярнуцца з Рыгі ў Мінск, аўтобус будзе выязджаць з латвійскай сталіцы ў 8:50.

Цяпер гэты ранішні аўтобус па маршруце Мінск - Рыга і назад выконваецца толькі па чацвяргах і нядзелях.

Нагадаем, што з 15 красавіка Беларусь дала грамадзянам і неграмадзянам Латвіі, а таксама літоўцам магчымасць уязджаць у краіну без віз.

Першапачаткова бязвізавы рэжым павінен быў дзейнічаць да 15 мая, але з улікам попыту яго працягнулі да канца 2022 года.

Для перасячэння мяжы без візы патрэбны:

Таксама іншаземцам дазволілі ў Беларусі транзіт праз пагранічную зону да некаторых турыстычных аб’ектаў без пропуску. У прыватнасці, улады Віцебскай, Брэсцкай і Гомельскай абласцей вызначылі маршруты, каб замежныя турысты маглі па спрошчаным транзіце наведаць некаторыя тураб’екты ў пагранічнай зоне і паласе.

Цяпер такім гасцям Беларусі, каб праехаць па гэтым маршруце, спатрэбіцца толькі пашпарт.