МІНСК, 8 чэр – Sputnik. Быхаўчанка Кацярына Мяркулава, член Сацыяльна-культурнага грамадскага аб’яднання "Спадчына", стане ўдзельніцай міжнароднага праекта "Непокоренные".
"Я вельмі рада, што змагу прыняць удзел у такім маштабным праекце. Для мяне такая магчымасць – вялікі гонар! Ужо на пачатковых этапах хочацца адзначыць выдатную працу арганізатараў. Вайна – гэта чалавечы боль, які не праходзіць. У нашы дні вельмі важна маладому пакаленню ведаць праўду пра мінулае і шанаваць памяць загінулых на той страшнай вайне. Неабходна памятаць якой цаной нам былі дараваны жыццё і свабода", - кажа Кацярына Мяркулава.
Дзяўчына адправіцца ў падарожжа ад Масквы да Брэста па 11 гарадах баявой славы і гарадах-героях, прыме ўдзел у памятных мерапрыемствах, прысвечаных Перамозе ў Вялікай Айчыннай вайне. Кацярына ў ліку 100 актывістаў з 14 краін, якія прайшлі адбор.
Міжнародны праект "Непокоренные" – гэта ўнікальнае падарожжа з Масквы ў Брэст. У рамках праекта пройдуць лекцыі ад вядучых экспертаў па міжнародных адносінах, якія накіраваны на развіццё маладзёжнай дыпламатыі ў Расіі і краінах СНД праз аб'яднанне моладзі сэнсамі брацтва, адзінства народаў і агульнай Перамогі ў ВАВ.
Вярнуўшыся ў родныя дзяржавы, удзельнікі перададуць назапашаныя веды і методыкі правядзення праектаў па захаванні гістарычнай памяці сваім равеснікам і малодшым таварышам у школах і ВНУ.
Сярод тых, хто прайшоў адбор, таксама моладзь з Беларусі, Кыргызстана, Абхазіі, Таджыкістана, Узбекістана, Туркменістана, Прыднястроўя, Малдовы, ЛНР і ДНР, Венгрыі, Сербіі і КНР.
Міжнародны праект "Непокоренные" рэалізуе Міжнародны Ламаносаўскі Клуб пры падтрымцы Фонду Прэзідэнцкіх Грантаў, Федэральнага агенцтва па справах нацыянальнасцей, МЗС Расіі і Мінадукнавукі Расіі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Фотафакт: Патрыярх Кірыл усклаў кветкі на Плошчы Перамогі
Перасовачны музей "Цягнік Перамогі" хутка прыбудзе ў Беларусь
Аўтапрабег Брэст-Севастопаль стартаваў у Брэсцкай крэпасці
Фрагмент сцяны Брэсцкай крэпасці перададзены ў музей ФСБ Расіі
Лукашэнка: перамога ў ВАВ стала часткай нацыянальнай ідэі Беларусі