МІНСК, 19 чэр – Sputnik. Расійскі флот ударамі ракет "Калібр" знішчыў пункт кіравання ўкраінскімі войскамі ў Днепрапятроўскай вобласці, паведамілі ў прэс-службе Мінабароны Расіі.
Згодна з афіцыйнай інфармацыяй, ракетны ўдар быў нанесены па ваенным аб’екце каля населенага пункта Шырокая дача. У гэты час там праходзіла нарада камандзіраў, якія ўваходзяць у аператыўна-стратэгічную групоўку войск "Александрыя".
"У выніку ўдару знішчана звыш 50 генералаў і афіцэраў УСУ, у тым ліку, генеральнага штаба", - удакладнілі ў прэс-службе расійскага абароннага ведамства.
Таксама там адзначылі, што ракетным ударам былі знішчаны камандуючыя групоўкай войск "Кахоўка", дэсантнымі і штурмавымі злучэннямі, якія сканцэнтраваны ў напрамку Мікалаева і Запарожжа.
Расійскія вайскоўцы зрабілі справаздачу, што паразілі "Калібрамі" дзесяць 155-мм гаўбіц М777 і каля 20 браневікоў, якія размяшчаліся на завадской тэрыторыі ў горадзе Мікалаеў. Дадзеная тэхніка была перададзена ўкраінскаму боку заходнімі дзяржавамі.
Пры дапамозе аператыўна-тактычнага ракетнага комплексу "Искандер" быў нанесены высокадакладны ўдар па Харкаўскім заводзе, дзе рамантавалася бранятэхніка. Дзякуючы гэтаму ўдалося знішчыць дзве пускавыя ўстаноўкі рэактыўнай сістэмы залпавага агню "Ураган".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Мядзведзеў сумняваецца ў аднаўленні перагавораў Расіі і Украіны ў жніўні
Мінабароны РФ паведаміла аб знішчэнні 4 украінскіх узводаў з амерыканскімі гаўбіцамі
Украінскія вайскоўцы расстралялі таварышаў па службе, якія спрабавалі здацца ў палон
Мінабароны Расіі назвала колькасць знішчанай украінскай тэхнікі
Кіраўнік МЗС Літвы расчараваны поспехамі Расіі ва Украіне