Расія не разумее, адкуль ЗША ўзялі верхнюю мяжу цаны для нафты ў 60$

МІНСК, 13 кас – Sputnik. Расія не разумее, як ЗША падлічылі верхнюю мяжу цаны нафты для РФ у 60 долараў за барэль, заявіў віцэ-прэм'ер Аляксандр Новак.

Раней кіраўнік амерыканскага Мінфіна Джанет Йэлен прапанавала ўстанавіць гранічную цану на расійскую нафту ў 60 долараў за барэль. Паводле яе слоў, РФ даўно была гатова да гэтай цаны.

Пры гэтым ён у чарговы раз падкрэсліў, што Расія не будзе пастаўляць нафту ў краіны, якія будуць выкарыстоўваць верхнюю мяжу цаны. "Гэта дрэнны прэцэдэнт, які можа ў любы момант распаўсюдзіцца на іншых пастаўшчыкоў, на ўвесь сусветны гандаль", - заўважыў расійскі віцэ-прэм’ер.

У сувязі з гэтым ён звярнуў увагу на тое, што Расія займала больш як 20% рынку нафты і 40-50% рынку газу ў ЕС. "І дзе на сёння будуць нашы калегі, нашы партнёры еўрапейскія браць адсутныя рэсурсы – адказу на гэтае пытанне няма", - сказаў Новак.

Віцэ-прэм’ер адзначыў, што РФ не толькі пастаўляла самыя танныя энергарэсурсы ў Еўразону, але і была замыкаючай з пункту гледжання аб’ёмаў, неабходных для праходжання асенне-зімовага перыяду.

Устанаўленне верхняй мяжы цэн на расійскую нафту, паводле слоў Новака, з’яўляецца па сутнасці пераходам на дзяржплан у рамках сусветнай эканомікі.

Што тычыцца рашэння Еўрасаюза па эмбарга марскіх паставак расійскай нафты, якое набудзе моц гэтай зімой, то РФ будзе працягваць пастаўляць нафту па трубаправодах у Еўропу тым спажыўцам, якія ў гэтым зацікаўлены.

Новак таксама паспрабаваў спрагназаваць, якой будзе цана на нафту ў 2023 годзе. Паводле яго слоў, яна будзе на ўзроўні цяперашняй – каля 100 долараў за барэль.