МІНСК, 15 кас – Sputnik. Беларускі ўрад абмежаваў закупачныя цэны на шэраг музычных інструментаў да канца года, гэта вынікае з пастановы №684 ад 10 кастрычніка, апублікаванай на Нацыянальным інтэрнет-партале ў пятніцу.
Дакумент датычыцца толькі закупак для дзяржаўных арганізацый культуры і ўстаноў адукацыі. Формула цаны такая: эканамічна абгрунтаваныя затраты плюс рэнтабельнасць не больш за 10%.
У спіску інструментаў пяць пазіцый: піяніна, балалайка, домра, баян, гармонік, гітара, цымбалы.
Раней у Беларусі быў уведзены цэнавы мараторый. Урад распарадзіўся замарозіць цэны па стане на 5 кастрычніка. Паднімаць іх можна толькі з дазволу дзяржаўных органаў. Напрыклад, у Мінску гэтыя паўнамоцтвы дадзены Мінгарвыканкаму, для чаго была сфарміравана спецыяльная камісія.
Таксама выдадзена дырэктыва, у якой прэзідэнт Беларусі Аляксандр Лукашэнка даручыў групе чыноўнікаў на чале з Наталляй Качанавай распрацаваць новую схему рэгулявання цэн да 20 кастрычніка.
Перад гэтым ён правёў нараду па эканоміцы, дзе заявіў аб тым, што з 6 чысла ў рэспубліцы забараняецца ўсякі рост цэн.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Рэцэпт зніжэння цэн прыдумалі ў бізнес-саюзе сталіцы
Мінздароўя рыхтуе два дакументы па цэнах у аптэках
Улады паабяцалі, што да снежня беларусы ўбачаць рэальнае павышэнне зарплат
Лукашэнка даручыў забараніць павышэнне цэн
Лукашэнка не разумее, чаму растуць цэны на беларускія тавары