МІНСК, 28 ліс – Sputnik. Беларусь і Прыморскі край нарошчваюць эканамічнае супрацоўніцтва, паведаміў беларускі прэм’ер-міністр Раман Галоўчанка па выніках перагавораў з губернатарам Прыморскага краю Алегам Кажамякам.
Прэм’ер адзначыў, што Кажамяка – адзін з тых кіраўнікоў расійскіх рэгіёнаў, якія часцей за ўсё бываюць у Беларусі. Гэта дае вынікі і адбіваецца на статыстыцы тавараабароту. Заключаюцца новыя кантракты, прапануюцца новыя праекты.
"Мы адзначылі, што шэраг праектаў мае патрэбу ў паскарэнні", - дадаў Галоўчанка.
Паводле яго слоў, Прыморскі край задаволены работай беларускіх будаўнікоў на важных аб'ектах і просіць адправіць дадатковы персанал.
"Гэтая тэма абсалютна рэальная", - лічыць прэм’ер.
Раней на сустрэчы з прэзідэнтам Беларусі Аляксандрам Лукашэнкам прыморскі губернатар адзначыў, што тавараабарот з далёкаўсходнім рэгіёнам за тры гады вырас у 3,5 разы. У тым ліку, Прымор’е набывае беларускую тэхніку і актыўна нарошчвае імпарт беларускіх прадуктаў харчавання.
У красавіку гэтага года паведамлялася, што Прымор’е закупіць больш за два дзесяткі самазвалаў БелАЗ, гэты кантракт забяспечыць палову тавараабароту.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Рассмакавалі беларускія прадукты: аб’ём закупак Прымор’я вырас у 16 разоў
Лукашэнка і Пуцін абмяркуюць праблемы ў эканоміцы Беларусі і Расіі
"Гомсельмаш" стане першым сумесным праектам па імпартазамяшчэнні
Для патрэб Мінска могуць пабудаваць марскі тэрмінал – улады Мурманскай вобласці