МІНСК, 26 сне – Sputnik. Узброеныя сілы РФ занялі больш выгадныя рубяжы на Данецкім напрамку, паведамілі ў Мінабароны Расіі падчас чарговага брыфінгу аб ходзе спецаперацыі ва Украіне.
У ведамстве адзначылі, што быў нанесены ўдар па камандным пункце ўкраінскіх дэсантнікаў у раёне Краматорска. У выніку знішчана больш за 35 ваенных УСУ, у тым ліку пяць старшых афіцэраў.
Агульныя страты ад украінскага боку на гэтым напрамку склалі да 100 чалавек, а таксама баявая тэхніка – чатыры БМП і восем спецаўтамабіляў.
У той жа час на паўднёваданецкім напрамку артылерыстамі і пяхотай знішчана больш за 40 украінскіх баевікоў, дзве браніраваныя "самаходкі" і тры пікапы. На купянскім участку ў раёне населенага пункта Кіслоўка Харкаўскай вобласці быў нанесены засяроджаны агнявы ўдар – знішчана да 20 салдат УСУ.
На адным з самых стратэгічных напрамкаў – чырвоналіманскім – расійскія войскі прасунуліся яшчэ далей. Артылерысты ўдарылі па некалькіх украінскіх падраздзяленнях у раёнах Макееўкі і Неўскага ў ЛНР, а таксама Тэрны і Торскага ў ДНР.
Акрамя таго, знішчана ўкраінская дыверсійна-разведвальная група і мінамётны разлік УСУ. Страты ўкраінскіх вайскоўцаў склалі да 30 чалавек.
Знішчаная тэхніка і аб’екты
Ракетныя войскі і артылерысты нанеслі некалькі ўдараў па пунктах часовай дыслакацыі 72-й механізаванай брыгады, дзе размяшчаліся салдаты ўкраінскай арміі, а таксама замежныя наёмнікі.
У Запарожскай вобласці за мінулыя суткі знішчаны дзве ўкраінскія баявыя машыны РСЗА "Град", а ў ДНР – тры гаўбіцы Д-30.
Таксама пад Данецкам ліквідавана амерыканская артылерыйская сістэма М777, з якой абстрэльваўся горад.
А ў раёне Краматорска знішчаны пункт рамонту і аднаўлення ўзбраення ўкраінскай арміі. На момант знішчэння там знаходзіліся два разлікі HIMARS, пяць гаўбіц Д-30, дзве самаходныя гаўбіцы "Гваздзіка" і тры адзінкі спецыяльнай аўтамабільнай тэхнікі.
Сродкі СПА збілі сем беспілотнікаў у ЛНР, ДНР і Херсонскай вобласці. Таксама перахоплены два рэактыўныя снарады HIMARS і дзве супрацьрадыёлакацыйныя ракеты HARM. З пачатку ваеннай спецаперацыі ва Украіне расійскія войскі знішчылі:
352 самалёты,
192 верталёты,
2 731 беспілотнік,
399 зенітных ракетных комплексаў,
7 249 танкаў,
944 машыны РСЗА,
3 719 мінамётаў і гармат палявой артылерыі,
7 765 адзінак спецаўтамабіляў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Расія імкнецца хутчэй завяршыць СВА ва Украіне – Пуцін
Ракеты РФ паразілі больш за 1,3 тысячы крытычна важных аб’ектаў Украіны
Антонаў: словы Вашынгтона аб нежаданні канфліктаваць з Масквой – пусты гук