МІНСК, 27 сне – Sputnik. Гэты год даў Беларусі магутны паток турыстаў з боку Расійскай Федэрацыі, паведаміў журналістам старшыня праўлення Рэспубліканскага саюза турыстычнай індустрыі Піліп Гулый, перадае Sputnik.
Паводле слоў Гулага, гэта стабілізавала прысутнасць беларускага турпрадукту на рынку Расіі, і не толькі ў буйных гарадах і Цэнтральнай федэральнай акрузе, але і ў рэгіёнах.
"Гэта сур’ёзнае дасягненне, якое патрабуе далейшага развіцця і, я нават сказаў бы экспансіі", - заявіў Гулый.
З Расіі стала прыязджаць больш моладзі. Вырас попыт на дарагія атэлі, на туры не толькі выходнага дня, але і больш працяглыя.
Пры гэтым змянілася сістэма дыстрыбуцыі турпрадукту. Роля буйных тураператараў крыху знізілася. На першы план пасля знікнення заходніх сэрвісаў браніравання атэляў выходзяць расійскія аналагі.
Гулый станоўча адазваўся і аб прадаўжэнні бязвіза для грамадзян краін Балтыі і Польшчы.
Ёсць і добрая дынаміка з краінамі ШАС, у ліку якіх Індыя і Кітай. Пачалі прыязджаць у Беларусь жыхары Узбекістана. Гэта краіна ўжо не патэнцыяльны, а мэтавы рынак для беларускага экспарту турпаслуг. Набіраюць папулярнасць туры выхаднога дня ў Беларусі для жыхароў Ташкента нараўне з такімі ж паездкамі ў Турцыю і ЕС.
"Гэта значыць, што горад Мінск, з той турыстычнай інфраструктурай, якая ёсць, можа канкурыраваць і данесці турыстычны прадукт да тамашняга спажыўца", - лічыць Гулый.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Вандроўкі на Новы год – 2023: куды паехаць беларусу і колькі гэта каштуе
Генеалагічны турызм: што гэта і чаму становіцца мега папулярным
Ляталі і лятаць будзем: гендырэктар аэрапорта Мінск – пра санкцыі і планы
Колькі расіяне ляталі ў Беларусь у 2022 годзе
Фонд адказнасці тураператараў з’явіўся ў Беларусі