МІНСК, 27 сту – Sputnik. Галоўны трэнер мінскага хакейнага клуба "Дынама" Крэйг Вудкрафт задаволены вынікам сваіх падапечных у матчы супраць пекінскага "Куньлуня", паведамілі ў прэс-службе "зуброў".
Напярэдадні мінчане разграмілі сапернікаў з лікам 5:1, пераможным матчам "дынамаўцы" завяршылі чарговую выязную серыю ў рамках рэгулярнага чэмпіянату Кантынентальнай хакейнай лігі.
"Спадабалася, як гуляла каманда, правялі якасны матч. Асабліва ў другім і трэцім перыядзе. У першым перапынку зрабілі карэкціроўкі, каб не даць саперніку вярнуцца ў гульню", - пракаменціраваў ход гульні Вудкрофт.
Галоўны трэнер мінчан адзначыў, што "Куньлунь" гуляе ў сілавы хакей, і каб паспяхова сапернічаць з гэтай камандай, трэба быць "гатовымі дзейнічаць у такім жа ключы".
Вудкрафт падкрэсліў, што з гэтай задачай яго падапечныя справіліся.
"Хутка рухалі шайбу, стварылі шмат галявых момантаў, і важна, што іх рэалізавалі. Шкада, што Косця Шостак (варатар "Дынама-Мінск" - Sputnik) не змог завяршыць матч "на нуль", ён гэта заслужыў сваёй гульнёй. Гэта адзінае невялікае засмучэнне, але мы гэта ўжо абмеркавалі ў раздзявалцы", - адзначыў хакейны настаўнік.
Вудкрафт падкрэсліў, што ў гульні супраць "Куньлуня" "зубрам" удалося дабіцца патрэбнага выніку, зараз каманда будзе рыхтавацца да наступнага матча.
У суботу 28 студзеня "Дынама" пачне хатнюю серыю – на лёдзе "Мінск-Арэны" сустрэнецца з ніжагародскім "Торпедо". Затым будзе яшчэ адна гульня з "Куньлунем" – у панядзелак 30 студзеня.
Цяпер у "Дынама" пасля 56 гульняў 56 ачкоў і восьмае месца ў табліцы заходняй канферэнцыі КХЛ. Лідзіруе на "захадзе" піцерскі СКА (90), за ім ідзе яраслаўскі "Лакаматыў" (74), на трэцім месцы – маскоўскі ЦСКА (74).
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
"Дынама" паказала характар: Вудкрафт аб перамозе над "Северсталью"
Авечкін пабіў рэкорд Грэцкі
Хакеісты мінскага "Дынама" абгулялі ў гасцях "Адмирал"