МІНСК, 9 лют – Sputnik. Нашчадкі расійскага класіка Фёдара Дастаеўскага прыехалі ў Беларусь, яны правядуць у краіне некалькі дзён, паведамілі Sputnik у міністэрстве культуры Беларусі.
У Беларусь прыехалі прапраўнук пісьменніка Аляксей Дастаеўскі, яго жонка Наталля, а таксама іх дзеці.
"Так, сапраўды, да нас у Беларусь прыбылі нашчадкі Фёдара Міхайлавіча Дастаеўскага", - паведамілі Sputnik у міністэрстве.
Па словах суразмоўцаў агенцтва, сёння яны ўжо наведалі Нацыянальную бібліятэку Беларусі.
З нашчадкамі Дастаеўскага сустрэўся міністр культуры Беларусі Анатоль Маркевіч.
"Мы з задавальненнем сустракаем на нашай гасціннай беларускай зямлі нашчадкаў Фёдара Міхайлавіча. Мы хочам, каб нашы паважаныя госці з такім знакамітым прозвішчам як можна даўжэй пабылі ў нас у краіне", - цытуе міністра дзяржагенцтва БелТА.
Паведамляецца, што нашчадкі Дастаеўскага наведаюць у Мінску тэатры і музеі, у межах іх візіту запланавана паездка ў мястэчка Дастоева ў Брэсцкай вобласці, дзе бярэ пачатак род Дастаеўскіх.
Рэпартаж з Дастоева чытайце на Sputnik Беларусь.
Таксама на Sputnik:
Кіраўнік БПЦ: Дастаеўскі – адна з самых яркіх з'яў хрысціянскай цывілізацыі
200 гадоў з дня нараджэння Дастаеўскага. І ён да гэтага часу сучаснік