МІНСК, 10 лют – Sputnik. Кіраўнік польскага ўрада Матэуш Маравецкі заявіў, што ў Варшаве не выключаюць закрыцця астатніх пунктаў пропуску на мяжы з Беларуссю.
"Мы не выключаем, калі размова ідзе аб дзеяннях Беларусі, закрыцця пагранічных пераходаў з Беларуссю", - сказаў Маравецкі журналістам у пятніцу.
Ён удакладніў, што прыняцце рашэння аб закрыцці пункта пропуску Баброўнікі было прынята Варшавай, "зыходзячы з небяспечных дзеянняў (Беларусі - Sputnik), а падставай з’яўляецца напружанне абстаноўкі".
Закрыццё пункта пропуску Баброўнікі
Польскі бок напярэдадні аб’явіў аб закрыцці з 10 лютага руху ў пункце пропуску Баброўнікі (з беларускага боку – Бераставіца). Каментуючы гэты крок, польскі міністр унутраных спраў Марыуш Каміньскі заявіў, што гэта зроблена ў інтарэсах дзяржаўнай бяспекі.
У ДПК Беларусі ў сваю чаргу паведамілі аб атрыманні ад польскіх калег інфармацыі аб тым, што пункт пропуску Баброўнікі з 12:00 пятніцы прыпыняе афармленне транспартных сродкаў і асоб, якія перамяшчаюцца праз мяжу, на нявызначаны час.
У Мінску заявілі, што аб’ектыўных прычын для закрыцця Баброўнікаў няма. Рашэнне польскіх улад, упэўнены ў беларускім ДПК, можа прывесці да калапсу ў пунктах пропуску.
У пятніцу МЗС Беларусі выклікала часовага паверанага ў справах Польшчы ў Беларусі Марціна Вайцяхоўскага. Дыпламату быў заяўлены рашучы пратэст у сувязі з закрыццём пункта пропуску на мяжы. У беларускім знешнепалітычным ведамстве заявілі, што Мінск пакідае за сабой права адрэагаваць на дзеянні Варшавы, але пры гэтым застаецца адкрытым для канструктыўнага дыялогу.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Часовы павераны Польшчы выкліканы ў МЗС Беларусі з-за закрыцця "Баброўнікаў"
Польшча паведаміла Беларусі аб прыпыненні руху праз Баброўнікі
Дзве новыя зоны чакання для фур пабудуюць на мяжы Беларусі з Еўрасаюзам