Часовы павераны Польшчы выкліканы ў МЗС Беларусі з-за закрыцця "Баброўнікаў"
12:22 10.02.2023 (абноўлена: 15:59 01.03.2023)
© Sputnik / Виктор Толочко
Падпісацца
У беларускім знешнепалітычным ведамстве адзначылі, што закрыццё пункта пропуску мае антыгуманны характар і нанясе ўрон еўрапейскім кампаніям і польскім грамадзянам.
МІНСК, 10 лют – Sputnik. Часовы павераны ў справах Польшчы Марцін Вайцяхоўскі быў выкліканы ў МЗС Беларусі наконт закрыцця польскімі ўладамі пункта пропуску "Баброўнікі" на беларуска-польскай мяжы, паведаміла ў пятніцу прэс-служба беларускага знешнепалітычнага ведамства.
"Яму (Вайцяхоўскаму - Sputnik) заяўлены рашучы пратэст у сувязі з аб’яўленымі дзеючым польскім кіраўніцтвам планамі прыпыніць 10 лютага 2023 года з 14:00 па беларускім часе рух у пункце пропуску "Баброўнікі-Бераставіца", - гаворыцца ў паведамленні МЗС.
Беларускія дыпламаты ўказалі польскаму калегу на катэгарычную непрымальнасць такога кроку, які ў сваю чаргу абвастрае і без таго складаную сітуацыю на беларуска-польскай мяжы і парушае правы не толькі грамадзян Беларусі, але і Польшчы, і іншых краін.
У МЗС падкрэслілі, што любыя спробы націску на Беларусь контрпрадуктыўныя, а закрыццё пункта пропуску мае антыгуманны характар.
"Польскае кіраўніцтва наўмысна стварае нечалавечыя ўмовы для простых грамадзян і перавозчыкаў, наносіць істотную шкоду як буйным эканамічным аператарам, так і дробнаму бізнесу", - дадалі ў МЗС, адзначыўшы, што найбольшую шкоду ад закрыцця пункта пропуску панясуць еўрапейскія кампаніі і простыя грамадзяне, у першую чаргу палякі.
У знешнепалітычным ведамстве Беларусі заявілі, што віна за наступствы такіх рашэнняў ляжыць на польскім урадзе і выказала спадзяванне, што пацярпелыя прадпрымальнікі зададуць адпаведныя пытанні ўладам сваёй краіны.
"Беларускі ж бок пакідае за сабой права прыняць адэкватныя меры рэагавання і заўсёды адкрыты для канструктыўнага і ўзаемапаважлівага дыялогу ў інтарэсах грамадзян Беларусі і Польшчы", - гаворыцца ў паведамленні.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Польшча паведаміла Беларусі аб прыпыненні руху праз Баброўнікі
Дзве новыя зоны чакання для фур пабудуюць на мяжы Беларусі з Еўрасаюзам
Фуры стаяць у два рады: на мяжы транспартны калапс – відэа
Польшча за суткі аформіла менш за палову ад нормы легкавушак – ДПК
Чарга ў 22 кіламетры: да чаго прыводзяць забастоўкі на польскай мяжы?
