МІНСК, 11 лют – Sputnik. Прамы рэйс Мінск-Уфа пачне лятаць з 6 сакавіка, выконвацца ён будзе па панядзелках, паведаміла пасольства Беларусі ў РФ.
Вылет з Уфы намечаны ў 15:50 па мясцовым часе (13:50 па мінскім часе), самалёт прыляціць у беларускую сталіцу ў 16:45.
З Мінска рэйс адправіцца ў 18:25, ва Уфе ён будзе ў 23:10.
Кошт білета "туды-назад" (з багажом) складзе каля 14 тысяч расійскіх рублёў (каля 536 беларускіх). Час у дарозе зойме менш як тры гадзіны. Розніца ў часе паміж Мінскам і Уфой складае +2 гадзіны ва Уфе.
Да 2021 года прамыя рэйсы кампаніі "Белавія" з Беларусі ў Башкортастан былі. Самалёты ляталі адзін раз на тыдзень, пасля чаго колькасць палётаў павялічылася да двух. Аднак з 18 кастрычніка рэйс адмянілі з-за не вельмі добрай запаўняльнасці.
Пакуль што дабрацца да сталіцы Башкортастана можна з перасадкай у Маскве.
На дадзены момант прамы рэйс на 6 сакавіка Мінск-Уфа Sputnik знайшоў на сайце расійскай кампаніі Red Wings. Кошт білета складае 5 338 расійскіх рублёў у адзін бок.
Раней кіраўнік Башкортастана Радый Хабіраў у мультымедыйным прэс-цэнтры Sputnik Беларусь заяўляў, што без прамых авіязносін немагчыма інтэнсіўна развіваць бізнес-сувязі.
На яго думку, ёсць перспектывы і ў турызме. Жыхарам Башкортастана вельмі цікава Беларусь. Гэта і ўнікальныя гістарычныя аб’екты, і прырода. А Мінск, па словах Хабірава, – помнік савецкай класіцы.
Як распавялі Sputnik у прэс-службе "Белавія", на дадзены момант авіякампанія не плануе аднаўляць рэйс Мінск-Уфа.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Башкортастан гатоў субсідзіраваць рэйсы Мінск-Уфа
Ратыфікавана пагадненне паміж Беларуссю і Расіяй аб узаемным прызнанні віз
Туріндустрыя Беларусі ў 2023 годзе будзе працаваць па-новаму
Паляванне за візай: шэнген беларусам даводзіцца чакаць па паўгода
Ляталі і лятаць будзем: гендырэктар аэрапорта Мінск – пра санкцыі і планы