На могілках апладысментаў няма: што будзе з помнікам бацьку і сыну Яроменкам?

Сёння народнаму артысту і ўсеагульнаму любімцу Мікалаю Яроменку споўнілася б 74 гады. Добрая нагода задумацца над тым, як праз год адсвяткаваць яго юбілей, ды неспакойна на сэрцы ў прыхільнікаў таленту. Да гэтага часу не вырашылася пытанне з аднаўленнем помніка Яроменку-старэйшаму і малодшаму на Усходніх могілках Мінска.

Пра заблытаную гісторыю з падпахаваннем у магілу да мужа і сына Галіны Арловай Sputnik ужо расказваў.

Сітуацыя, трэба прызнаць, складаная. Дэманціраваннае надмагілле пахавання сям’і Яроменка хутка як два гады знаходзіцца на адкрытай пляцоўцы з дэкарацыямі Купалаўскага тэатра. Яго трэба рэстаўраваць, гэта значыць патрэбны дадатковыя грошы.

Былі спадзяванні на тое, што статус-кво адновяць наследніцы Мікалая Яроменкі. Аднак любоў дачок да бацькі ніяк не праявілася. Дамы паспяхова прадалі спадчынную кватэру, не зведаўшы пры гэтым ніякіх душэўных пакут, не адчуўшы прыліў роднасных пачуццяў да бацькі, дзеда і бабулі.

Калі ім прапанавалі выдзеліць каля пяці тысяч беларускіх рублёў на тое, каб надмагілле на магілу родных людзей усё ж паставіць, яны заявілі аб тым, што помнік дэманціравалі без іх дазволу.

Вольга Мікалаеўна і Таццяна Мікалаеўна, народжаныя Яроменкі, шчасліва паляцелі са спадчынай за мяжу: адна ў Сербію, а другая ў Дубай. Паступі яны па-чалавечы, як належыць дочкам, і большасць пытанняў была б знята.

Умяшацца ў гэтую гісторыю быў вымушаны міністр культуры Анатоль Маркевіч і ўжо адрэагаваў на ліст скульптара Генадзя Буралкіна (аўтара помніка) наконт гэтага: "Помнік бацьку і сыну Яроменкам павінен быць адноўлены за кошт тэатра".

Сам жа Генадзь Буралкін знайшоў архітэктурнае рашэнне як, захаваўшы першапачатковую канцэпцыю, увекавечыць памяць адразу траіх народных артыстаў.