МІНСК, 28 лют – Sputnik. Кожны наступны пакет антырасійскіх санкцый дэманструе, што рэстрыкцыі ў дачыненні да Расіі – гэта інструмент, які не спрацаваў, пра гэта заявіла афіцыйны прадстаўнік МЗС РФ Марыя Захарава.
У лютым Еўрасаюз увёў дзесяты пакет санкцый супраць Расіі.
"Еўрасаюз, які застаецца ў палоне сваіх фанабэрыстых уяўленняў аб Расіі, памыліўся ва ўсіх прагнозах аб наступствах "задушлівых" санкцый. Так будзе і на гэты раз", - сказала прадстаўнік знешнепалітычнага ведамства.
Захарава мяркуе, што складана не пагадзіцца з пазіцыяй кіраўніка еўрадыпламатыі Жазэпам Барэлем, які заяўляў, што санкцыі – "яд запаволенага дзеяння".
"Вось толькі "забіваюць" яны, перш за ўсё, эканамічны суверэнітэт Еўрасаюза", - падкрэсліла расійскі дыпламат.
Яна мяркуе, што Еўрасаюз можа накладваць любую колькасць абмежаванняў у частцы гандлю з Расіяй. Аднак гэтыя дзеянні будуць толькі ўзмацняць яго залежнасць ад прамых канкурэнтаў.
Афіцыйны прадстаўнік МЗС РФ выказала ўпэўненасць у тым, што, пашыраючы свае санкцыйныя спіскі, Еўрасаюз тым самым толькі дадаткова адгароджваецца ад Расіі – у прыватнасці, парушаецца свабода перамяшчэння.
Захарава таксама адзначыла, што абмежаваннямі ў адрас расійскіх СМІ Еўрасаюз спрабуе цэнзураваць інфармацыйную прастору. Ён не толькі пакідае сваё грамадства без альтэрнатыўнага пункту гледжання, але і "забараняе рэтрансляцыю расійскіх тэлеканалаў у трэціх краінах, навязваючы ім свой фальшывы "наратыў".
"Але праўда прабівае сабе дарогу. Менавіта таму ў Еўропе ўзрасла цікавасць да расійскіх старонак у сацсетках. ЕС, ЗША і іх сатэліты аказаліся адзінокія ў сваіх антырасійскіх санкцыях", - мяркуе дыпламат.
Паводле яе слоў, астатні свет не падтрымаў ніводны пакет антырасійскіх санкцый.
Дзесяты пакет санкцый
Дзесяты па ліку пакет антырасійскіх санкцый быў апублікаваны ў афіцыйным часопісе ЕС 18 лютага, рэстрыкцыі набылі моц.
Санкцыі ў тым ліку закранулі журналістаў і СМІ Расіі. У прыватнасці, пад санкцыі трапілі медыягрупа "Россия сегодня", выканаўчы дырэктар медыягрупы Кірыл Вышынскі, галоўны рэдактар агенцтва Regnum Марына Ахмедава, журналіст Аляксандр Коц, тэлевядучы, намеснік гендырэктара Першага канала Кірыл Кляйменаў і намеснік гендырэктара "Национальной Медиа Группы" Аляксандр Акопаў, тэлевядучы і першы намеснік гендырэктара УДТРК Андрэй Кандрашоў, а таксама галоўрэд тэлеканала "Россия 24" Яўген Бекасаў.
У спісак персанальных санкцый уключаны фізічныя асобы і арганізацыі, у тым ліку палітыкі, сілавікі. Рэстрыкцыі не абышлі нават упаўнаважанага па правах чалавека ў РФ Таццяну Маскалькову і вядомага расійскага хірурга Леаніда Рашаля.
Новыя абмежаванні таксама закранулі электроніку, спецтранспартныя сродкі, запчасткі для грузавікоў і авіярухавікоў, тавары падвойнага прызначэння, будаўнічы сектар (уключаючы грузапад’ёмныя краны), рэдказямельныя матэрыялы, цеплавізійныя камеры, высокатэхналагічныя тавары, уключаючы кампаненты, якія могуць выкарыстоўвацца ў дронах, ракетах і верталётах.
У расійскім МЗС заявілі, што санкцыі накіраваны на падрыў прамысловага і фінансавага патэнцыялу і выключэнне Расіі з сусветных гаспадарчых сувязей. У знешнепалітычным ведамстве паведамілі, што Масква са свайго боку рыхтуе меры ў адказ.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
РФ прапануе свету мадэль развіцця, арыентаваную на будучыню – Грызлоў
Лукашэнка: мы не збіраемся забіваць амерыканцаў і запускаць ядзерныя ракеты
Пуцін: пасля знікнення сусветных брэндаў у Расіі нічога не абрушылася
Захарава знайшла ў словах Барэля аб абароне свабоды СМІ адценні неадэкватнасці
Санкцыі Захаду ўмацавалі інтэграцыю ЕАЭС – Галоўчанка