МІНСК, 2 сак – Sputnik. Мінтранс расказаў, ці плануецца ў бліжэйшыя гады абнаўляць айчынны авіяпарк.
"Так, ёсць пэўныя прапрацоўкі з Расійскай Федэрацыяй, займаемся актыўна па самалётах Сухі Суперджэт Нью і МС-21. Але мы будзем выходзіць на больш канкрэтны вынік, калі рэальна самалёт МС-21 з’явіцца. Папярэдняя дамоўленасць ёсць, мы над гэтым пытаннем працуем", - заявіў журналістам міністр транспарту і камунікацый Беларусі Аляксей Аўраменка, адказваючы на пытанне Sputnik.
Флот скараціўся ўдвая
Летам 2022 года дзяржаўны перавозчык "Белавія" расказаў, што пятнаццаць самалётаў прыйшлося вярнуць лізінгадаўцам, паколькі з-за ўведзеных Захадам санкцый Беларусь не мела магчымасці з імі расплаціцца. Сярод вернутых лайнераў, у прыватнасці, былі Embraer найноўшага пакалення – 195-E2.
У флоце кампаніі засталося 14 самалётаў. Гэта бразільскія Embraer і амерыканскія Boeing, якія Беларусь набыла ў лізінг.
Пазней у "Белавія" заяўлялі, што кампанія плануе купіць і ўзяць у лізінг новыя самалёты, але ўжо не ў ЕС. У прыватнасці, адзначалася, што перавозчык зацікаўлены ў расійскіх SSJ100.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Свае самалёты будуць выкарыстоўваць у Расіі і Беларусі – Лукашэнка
Паміж Мінскам і Уфой з 6 сакавіка аднаўляюцца прамыя авіязносіны
Ляталі і лятаць будзем: гендырэктар аэрапорта Мінск – пра санкцыі і планы