МІНСК, 22 сак – Sputnik. Прэзідэнт расійскага кніжнага саюза Сяргей Сцяпашын і спецпрадстаўнік прэзідэнта Расіі Міхаіл Швыдкой прынялі ўдзел ва ўрачыстым адкрыцці XXX Мінскай міжнароднай кніжнай выставы-кірмашу, перадае Sputnik.
Расія ў гэтым годзе стала ганаровым госцем кірмашу. Як адзначыў Сцяпашын, гэта сімвалічна, таму што многія літаратары Беларусі пісалі і на беларускай, і на рускай мовах.
Акрамя таго, 2023-і аб’яўлены ў СНД Годам рускай мовы як мовы міжнацыянальных зносін.
Расійская частка праграмы кніжнага форуму прысвечана рускай культурнай і літаратурнай спадчыне. На стэндзе "Кнігі з Расіі" асобна прадстаўлены 14 расійскіх выдавецтваў. Таксама ў экспазіцыі ёсць кнігі яшчэ 120 расійскіх выдавецтваў.
Акрамя непасрэдна экспанавання кніг, расійская дэлегацыя запланавала дзесяткі мерапрыемстваў. Гэта сустрэчы з аўтарамі, дыскусіі, круглыя сталы, літаратурныя чытанні і паблік-токі.
Запланаваны таксама прэзентацыі анталогій сучаснай рускай літаратуры з перакладам іх на беларускую мову. У іх стварэнні прынялі ўдзел многія вядомыя літаратары Беларусі. Таксама на выставе можна будзе асабіста пазнаёміцца і паразмаўляць з расійскімі пісьменнікамі і паэтамі, чые творы ўвайшлі ў анталогію сучаснай літаратуры на рускай мове.
Сярод аўтараў ёсць і прадстаўнікі рэспублікі: народны пісьменнік Беларусі Мікалай Чаргінец, лаўрэаты дзяржаўных і літаратурных прэмій Іван Саверчанка, Уладзімір Саламаха, Георгій Марчук, Віктар Праўдзін, Уладзімір Гаўрыловіч.
Акрамя Расіі, у выставе бяруць удзел Германія, Кыргызстан, Іран, Турцыя, Узбекістан і яшчэ шэраг краін.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Прыбалтыйскі "злом": каму патрэбна канфрантацыя з Беларуссю і Расіяй – відэа