МІНСК, 6 ліп – Sputnik. Паўднёвая Асеція можа папрасіць Беларусь аб прызнанні незалежнасці, заявіў кіраўнік парламенцкага камітэта па эканоміцы, малому прадпрымальніцтву і сельскай гаспадарцы часткова прызнанай дзяржавы Алан Тэхаў.
Паводле яго слоў, ён прапанаваў, каб заканадаўчы орган Паўднёвай Асеціі афіцыйна звярнуўся да парламента Беларусі з просьбай аб прызнанні.
"У нас ёсць магчымасць, калі раней ім перашкаджалі нейкія палітычныя наступствы, у тым ліку і санкцыі, то сёння яны ўжо ёсць. Каб з нашага боку МЗС рэспублікі таксама звярнулася па сваёй лініі да іх па гэтым пытанні", - сказаў дэпутат, яго цытуе Sputnik Паўднёвая Асеція.
Спікер паўднёваасецінскага парламента Алан Албораў адрасаваў гэтае пытанне старшыні профільнага камітэта Зазе Дрыаеву для далейшай прапрацоўкі.
Пытанне аб міжнародна-прававым статусе Паўднёвай Асеціі і Абхазіі з’яўляецца спрэчным. На дадзены момант незалежнасць гэтых дзяржаўных утварэнняў прызналі Расія, Венесуэла, Нікарагуа, Науру, Сірыя, а таксама непрызнаныя і часткова непрызнаныя дзяржавы, сярод якіх Нагорны Карабах і Прыднястроўе. У 2006 годзе Паўднёвая Асеція і Абхазія прызналі незалежнасць адна адной.
Прэзідэнт Беларусі Аляксандр Лукашэнка яшчэ ў 2008 годзе заяўляў, што ў выпадку адабрэння парламентам просьбаў Паўднёвай Асеціі і Абхазіі аб прызнанні незалежнасці ён гатоў падпісаць адпаведны дакумент.
Нагадаем, у 2022 годзе беларускі лідар наведаў Абхазію, дзе сустрэўся з кіраўніком рэспублікі Асланам Бжанія.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Кіраўнік МЗС Абхазіі: сустрэча Бжанія і Лукашэнкі была грунтоўнай
Сухум спадзяецца, што Мінск прызнае абхазскія пашпарты
Абхазія можа стаць новым членам Саюзнай дзяржавы