МІНСК, 10 жні – Sputnik. Беларусь прымае адэкватныя меры рэагавання на дзеянні войск НАТА каля меж рэспублікі, аб гэтым паведаміў дзяржсакратар Савета бяспекі краіны Аляксандр Вальфовіч падчас рабочага візіту ў Гродна.
Вальфовіч адзначыў, што за апошнія 10 месяцаў на тэрыторыі Літвы і Латвіі праведзена больш за 10 вучэнняў войск НАТА, Польшча фарміруе механізаваную дывізію, якая будзе дыслакавацца каля мяжы з Беларуссю. Да мяжы перакідаюцца і іншыя падраздзяленні.
"Безгрунтоўна спекулюючы на прысутнасці ў Беларусі ПВК "Вагнер", Польшча перакінула два ўзмоцненыя механізаваныя батальёны ў прыгранічныя раёны. Літва таксама плануе павялічыць свой воінскі кантынгент. Нядаўна Вільнюс заявіў аб прадаўжэнні тэрміну прысутнасці амерыканскіх падраздзяленняў на сваёй тэрыторыі да 2025 года", - цытуе словы Вальфовіча прэс-служба губернатара Гродзенскай вобласці.
Ён адзначыў, што дзеянні НАТА распальваюць ваенна-палітычную абстаноўку ў рэгіёне. У такіх умовах, дадаў дзяржсакратар Савета бяспекі, беларускія вайскоўцы дэталёва вывучаюць вопыт СВА і праводзіць трэніроўкі з інструктарамі ПВК "Вагнер".
"Адпрацоўваем тактыку вядзення сучаснага бою сумесна з інструктарамі ПВК "Вагнер". І гэтага не хаваем. Усё робіцца выключна ў абарончых мэтах. Гэта ж датычыцца і размяшчэння ў Беларусі расійскай тактычнай ядзернай зброі", - падкрэсліў Вальфовіч.
Дзяржсакратар Савета бяспекі дадаў, што ўсе прагнозы адносна дзеянняў блока НАТА і яго асобных членаў у поўнай меры пацвярджаюцца.
"Зразумела, мы не сядзім склаўшы рукі, а прымаем адэкватныя меры рэагавання", - сказаў Вальфовіч.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Польшча размесціць на мяжы з Беларуссю 10 тысяч салдат
Шайгу заявіў аб сцягванні буйных сіл НАТА да меж Саюзнай дзяржавы
Супраць Расіі ў адкрытую ваюе ўся сістэма НАТА – Мядзведзеў