МІНСК, 14 жні – Sputnik. Вярхоўны суд Беларусі задаволіў іск Міністэрства юстыцыі і ліквідаваў апазіцыйную Партыю БНФ, паведамілі Sputnik у Мінюсце.
Гэта як мінімум пяты іск Мінюста Беларусі аб ліквідацыі палітычнай партыі, які на гэты час разгледжаны Вярхоўным судом.
Раней былі разгледжаны іскі Мінюста і ліквідаваны партыі "Зялёных", "Беларуская сацыял-дэмакратычная партыя "Грамада".
"Суд задаволіў іск аб ліквідацыі Партыі БНФ", - сказалі ў Міністэрстве юстыцыі Беларусі.
Партыя БНФ – адна з найстарэйшых апазіцыйных партый у Беларусі. Яна была заснавана ў 1993 годзе Зянонам Пазняком, які з сярэдзіны 90-х гадоў мінулага стагоддзя пражывае ў Польшчы. З верасня 2017 па красавік 2022 года кіраваў Партыяй БНФ Рыгор Кастусёў, які быў прызнаны вінаватым па справе аб спробе ваеннага перавароту ў Беларусі і асуджаны на 10 гадоў пазбаўлення волі.
Як раней паведамляў Sputnik, 15 жніўня ў парадку грамадзянскага судаводства будзе разгледжаны іск Мінюста аб ліквідацыі Аб’яднанай грамадзянскай партыі (АГП).
У пачатку 2023 года прэзідэнт Беларусі Аляксандр Лукашэнка падпісаў закон, які прадугледжвае змяненне ўмоў стварэння і дзейнасці палітычных партый. Тым самым у краіне была запушчана перарэгістрацыя палітычных партый.
Мінюст на працягу шасці месяцаў пасля ўступлення яго ў сілу павінен перарэгістраваць палітычныя партыі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Вярхоўны суд разгледзіць іск Мінюста аб ліквідацыі АГП
Трэцяя партыя прайшла перарэгістрацыю ў Беларусі