МІНСК, 16 кас – Sputnik. Народны артыст Расіі, савецкі і расійскі кампазітар Генадзь Гладкоў памёр на 89-м годзе жыцця, паведамляе RT са спасылкай на літаратуразнаўца Мікалая Падасокорскага.
"Так, сапраўды... (Памёр - Sputnik) дома, проста дома сышоў спакойна", - распавёў РІА Навіны памочнік і менеджар кампазітара Малік Амінаў.
Прычыны смерці не называюцца, аб даце і месцы пахавання паведамяць пазней.
Генадзь Гладкоў нарадзіўся 18 лютага 1935 года ў Маскве ў сям'і музыкантаў: дзед па маці, Максакаў Сцяпан Восіпавіч, акампаніраваў Лідзіі Русланавай, бацька – акардэаніст, баяніст, саліст аркестра Аляксандра Цфасмана.
З дзяцінства любіў музыку і атрымаў музычную адукацыю, аднак скончыў хімічны палітэхнікум і нейкі час адпрацаваў начальнікам змены на заводзе, але ўсё ж такі вярнуўся да музыкі.
Як тэатральны кампазітар дэбютаваў у дыпломнай працы Васіля Ліванава ў Шчукінскім вучылішчы, пазней Ліванаў (з якім яны сябравалі з дзяцінства) прыцягнуў яго да працы над сваім першым мультфільмам "Самый, самый, самый, самый". Так Гладкоў трапіў у свет кіно.
Усесаюзную славу Генадзю Гладкову прынесла праца над музычным мультфільмам "Бременские музыканты" (1969) і яго працягам "По следам бременских музыкантов" (1973), дзе ён яшчэ і праспяваў партыю Дурнога караля.
У канцы 1960-х пачаў супрацоўнічаць з Маркам Захаравым, вынікам сталі спектаклі з яго музыкай "Проснись и пой" (1970), "Темп-1929" (1971), "Чудак-человек" (1973), а пазней музычныя спектаклі, пастаўленыя на сцэне Ленінградскага драматычнага тэатра імя Ленсавета, – "Укрощение строптивой" (1970), "Люди и страсти" (1974), "Дульсинея Тобосская" (1973), "Трубадур и его друзья" (1975) і "Ковалева из провинции" (1973).
Музыка Гладкова гучыць у больш чым 110 кіна- і мультфільмах, сярод якіх: "Малыш и Карлсон" (1968), "Джентльмены удачи" (1971), "Как львенок и черепаха пели песню" (1974), "12 стульев" (1976), "Голубой щенок" (1976), "Собака на сене" (1977), "Обыкновенное чудо" (1978), "Дульсинея Тобосская" (1980), "Формула любви" (1984), "После дождичка в четверг" (1985), "Человек с бульвара Капуцинов" (1987), "Убить дракона" (1988), "Дон Сезар де Базан" (1989) і многія іншыя.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Памёр аўтар песень ансамбляў "Песняры" і "Сябры" Дабранраваў
Памёр Тота Кутуньё – выканаўца хіта L'italiano
Памёр кампазітар Аляксандр Колкер