МІНСК, 6 сне – Sputnik. Памерла балерына Людміла Бржазоўская, паведаміла прэс-служба Вялікага тэатра Беларусі.
"Пайшла з жыцця Людміла Генрыхаўна Бржазоўская..." - гаворыцца ў паведамленні прэс-службы.
Людміла Бржазоўская нарадзілася ў Мінску 4 чэрвеня 1946 года. Скончыла Беларускае дзяржаўнае харэаграфічнае вучылішча, з 1966 года працавала артысткай балета ў беларускім Вялікім тэатры. У 29 гадоў атрымала званне народнай артысткі Беларусі.
Людміла Бржазоўская і Юрый Траян
© Photo : НАБТ РБ
Яна была першай выканаўцай партый Кармэн, Евы, Неле, Фрыгіі, Машы, Каханай у пастаноўках Валянціна Елізар’ева "Кармэн-сюіта", "Стварэнне свету", "Тыль Уленшпігель", "Спартак", "Шчаўкунчык", "Карміна Бурана".
"Ёй захапляўся знакаміты італьянскі рэжысёр Франка Дзефірэлі. Яна стажыравалася ў Пецярбургу ў вучаніцы Ваганавай – Наталлі Дудзінскай. Яе вельмі часта параўноўвалі з галівудскай зоркай Одры Хепберн", - расказалі ў беларускім Вялікім тэатры.
Творчы дуэт: Людміла Бржазоўская і Юрый Траян у балеце "Трыстан і Ізольда"
© Photo : Большой театр Беларуси
З 1997-га Людміла Генрыхаўна была педагогам-рэпетытарам Вялікага тэатра, у ліку яе выхаванак – плеяда таленавітых танцоўшчыц: Вольга Гайко, Людміла Кудраўцава, Марына Вежнавец, Марына Парамонава, Людміла Хітрова.
Людміла Бржазоўская дае навучанні юнай Кармэн Людміле Уланцавай
© Sputnik / Михаил Нестеров
Прэс-служба тэатра выказала спачуванні родным і блізкім балерыны.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Памёр кампазітар Генадзь Гладкоў
Памёр аўтар песень ансамбляў "Песняры" і "Сябры" Дабранраваў
Памерла актрыса Вера Васільева