11:18 17 верасня 2019
«Радыё Sputnik»
  • USD2.04
  • EUR2.26
  • 100 RUB3.20
Лямус манастыра брыгітак у Гродне

Самы стары драўляны будынак у Беларусі адкрылі для турыстаў

CC BY 3.0 / AleBurd
Спадчына
Атрымаць кароткую спасылку
11010

Унікальны драўляны лямус быў узведзены больш за 200 гадоў таму, ён размешчаны ў цэнтры Гродна.

МІНСК, 15 сак - Sputnik. Самы стары драўляны дом Беларусі - лямус у Гродне - адкрылі для турыстаў, хоць рэстаўрацыйныя працы яшчэ працягваюцца, распавялі ў інфармацыйна-турыстычным цэнтры Гродзенскай каталіцкай епархіі.

Унікальны двухпавярховы драўляны будынак XVII стагоддзя знаходзіцца на тэрыторыі былога кляштара брыгітак. Доўгі час лямус выкарыстоўваўся ў якасці інтэрната для манашак ордэна брыгітак.

Рэстаўрацыя ажурнага драўлянага будынка пачалася восенню 2016 года, і цяпер ён адкрыты для так званага тэставага наведвання турыстаў, растлумачылі ў цэнтры.

Гродзенскі лямус уяўляе сабой дом, які збудаваны з масіўных брусаў, ён упрыгожаны разьбянымі аркамі. Унікальнасць пабудовы складаецца ў тым, што яна сабраная без адзінага цвіка або клямара. Так будавалі ў XVII-XVIII стагоддзях на тэрыторыі Беларусі.

Курыруе праект міністэрства культуры і нацыянальнай спадчыны Польшчы. Рэстаўрацыю праводзяць спецыялісты з Беларусі і Польшчы.

Чытайце таксама:

Тэги:
Турызм, Гродна

Галоўныя тэмы