Фестываль "Чарка-шкварка на Суле" лічыцца не столькі фестывалем беларускай кухні, сколькі кухні тутэйшай — цягам стагоддзяў яна ўвабрала ў сябе рысы габрэйскай, татарскай і нават шатландскай кухняў.
Сёлета фестываль быў прысвечаны эпосе беларускай шляхты — XVI-XVII стагоддзям.
На фестывалі працавалі пляцоўкі з татарскай, габрэйскай, ліцвінскай і шкоцкай кухняй. Можна было завітаць і на "шляхетны пір", і на "сялянскі падворак", і пакаштаваць арыстакратычнай ежы і напояў, каб даведацца, чым сілкаваліся простыя людзі на Беларусі колькі стагоддзяў таму.
На канцэртнай пляцоўцы фестывалю выступілі гурты "Арацэя", "Млын Сонца" і "Нагуаль".
Глядзіце ў фотастужцы, як праходзіла мерапрыемства.
