02:44 17 красавіка 2021
«Радыё Sputnik»
  • USD2.60
  • EUR3.11
  • 100 RUB3.44
Фота

Як гукалі Чырачку ў Лельчыцкім раёне на Масленіцу

Атрымаць кароткую спасылку
14720
  • У нядзелю 14 сакавіка, у завяршэнне Масленіцы, давялося пабываць на ўнікальным абрадзе сустрэчы вясны
  • Гэта абрад Чырачка, я дапамогай якога ў вёсцы Тонеж Лельчыцкага раёна Гомельскай вобласці Беларусі гукаюць вясну
  • Абрад Чырачка у вёсцы Тонеж захаваўся з даўніх часоў ў першапачатковым выглядзе
  • Чырачкамі жыхары вёскі Тонеж называюць птушак чыркоў, якія з'яўляюцца прадвеснікамі вясны
  • Рыхтавацца да абраду пачынаюць загадзя, у суботу
  • Выпякаюць спецыяльнае печыва ў выглядзе качак-чырачак
  • Вырабляюць жаночае пудзіла і прыносяць з лесу маладую ялінку
  • У нядзелю дзяўчынкі і хлопчыкі ўпрыгожваюць ялінку рознакаляровымі папяровымі кветкамі
  • Мясцовыя жыхары, старыя і маладыя, збіраюцца з раніцы разам
  • Адпраўляюцца на гару за вёскай
  • Старыя едуць да гары на конных павозках і спяваюць народныя песні
  • Па шляху ўсім сустрэчным раздаюць печыва чырачкі
  • Наперадзе нясуць прыбраную ялінку і пудзіла Зімы
  • Хутка на гары пачнецца самае цікавае
  • Тут клічуць вясну, спальваюць пудзіла...
  • ...і водзяць вакол вогнішча карагоды
  • А таксама віншуюць адзін аднаго...
  • ...і гуляюць у народныя гульні
  • Хлопцы ўмацоўваюць прыбраную ялінку на высокім дубе, бліжэй да сонца, каб на яе хутчэй зляталіся чырачкі
  • Важны і вельмі вясёлы элемент абраду - качэнне з гары па снезе
  • Пасля можна спекчы бульбу на вогнішчы
  • Якое ж гуканне вясны без традыцыйных страў!
  • Кожная добрая гаспадыня прыходзіць на гару з кошыкам пачастункаў
  • Прысмакі пасля завяршэння свята ставяцца на агульны стол і з'ядаюцца разам усімі ўдзельнікамі абраду!
© Sputnik Альфред Микус
У нядзелю 14 сакавіка, у завяршэнне Масленіцы, давялося пабываць на ўнікальным абрадзе сустрэчы вясны.

У мінулую нядзелю на Палессі сустракалі вясну падчас унікальнага абрада, які з даўніх часоў захаваўся ў першапачатковым выглядзе.

У нядзелю 14 сакавіка, у завяршэнне Масленіцы, давялося пабываць на ўнікальным палесскім абрадзе сустрэчы вясны!

Гэта абрад "Чырачка", з дапамогай якога ў вёсцы Тонеж Лельчыцкага раёна Гомельскай вобласці Беларусі гукаюць вясну. "Чырачкамі" жыхары вёскі Тонеж называюць птушак чыркоў, якія з'яўляюцца прадвеснікамі вясны.

Рыхтавацца да абраду пачынаюць загадзя, у суботу: выпякаюць спецыяльнае печыва ў выглядзе качак-"чырачак", прыносяць з лесу маладую ялінку, вырабляюць жаночае пудзіла.

У нядзелю мясцовыя жыхары, старыя і маладыя, збіраюцца з раніцы ў адным доме. Дзяўчынкі і хлопчыкі ўпрыгожваюць ялінку рознакаляровымі папяровымі кветкамі, каб вясна была яркая і весёлая! Потым адпраўляюцца на гару за вёскай. Наперадзе хлопчыкі нясуць прыбраную ялінку і пудзіла Зімы. Старыя едуць да гары на конных павозках і спяваюць народныя песні. Па шляху ўсім сустрэчным раздаюць печыва "чырачкі".

На гары пачынаецца самае цікавае: клічуць вясну, водзяць карагоды, гуляюць у народныя гульні... Затым хлопцы ўмацоўваюць прыбраную ялінку на высокім дубе, бліжэй да сонца, каб на яе хутчэй зляталіся "чырачкі", потым распальваюць вогнішча і кідаюць у яго пудзіла Зімы.

Яшчэ адзін важны і вельмі вясёлы элемент абраду - качэнне з гары па снезе. Раней лічылася, што калі хаця б адзін раз скаціцца з гары, то ў хаце ўвесь год будзе дабрабыт і ўсе будуць здаровыя! Калі снегу няма, як у гэтым годзе, мясцовыя раскладваюць па зямлі дывановыя дарожкі, і па іх коцяцца з гары.

Кожная добрая гаспадыня прыходзіць на гару з кошыкам пачастункаў, якія пасля завяршэння свята ставяцца на агульны стол і з'ядаюцца разам усімі ўдзельнікамі абраду!

Чытайце таксама:

Тэги:
абрады, вясна, Палессе, Масленіца, Лельчыцкі раён

Яшчэ фотастужкі

Галоўныя тэмы