16:01 17 студзеня 2019
«Радыё Sputnik»
  • USD2.15
  • EUR2.45
  • 100 RUB3.24
Хабіб, бонсцікі і шоу Бузавай: што шукалі беларусы ў Яндэксе амаль год

Хабіб, "бонсцікі" і шоу Бузавай: што шукалі беларусы ў "Яндэксе" амаль год

© Sputnik / Александр Кряжев
Грамадства
Атрымаць кароткую спасылку
7 0 0

Чэмпіянат свету па футболе цікавіў беларусаў больш, чым Алімпіяда ў Пхенчхане, а Huawei - больш, чым iPhone.

МІНСК, 10 сне - Sputnik. Папулярны расійскі пошукавік "Яндэкс" прад'явіў беларускаму карыстачу інфармацыю пра тое, што яго больш за ўсё цікавіла ў гэтым годзе.

Для разлікаў складальнікі рэйтынгу запытаў выкарыстоўвалі дадзеныя за перыяд з 1 студзеня па 19 лістапада 2018 года.

"Гэта падзеі, якія выклікалі найбольшую цікавасць, а таксама людзі і рэчы, якія ўпершыню прыцягнулі ўвагу ці пра якія па нейкай прычыне ў гэтым годзе пыталіся значна больш, чым у мінулым", - растлумачылі складальнікі рэйтынгу.

Галоўныя падзеі

З падзей года найбольшую цікавасць у беларусаў выклікаў Чэмпіянат свету па футболе і абышоў па папулярнасці ў "Яндэкс" нават зімовую Алімпіяду ў Пхенчхане. На трэцім месцы - трагічная падзея, пажар у ТРЦ "Зімовая вішня" ў Кемерава.

З відавочнай і нават вытлумачальнай цікавасцю ў гэтым годзе суайчыннікі сачылі за падзеямі у суседзяў. На сёмым месцы рэйтынгу запытаў - прэзідэнцкія выбары ў Расіі, на восьмым - павышэнне ў суседняй краіне пенсійнага ўзросту.

Зацікавілі беларусаў і лакальныя падзеі - на шостым месцы - змена базавай велічыні, на дзесятым - увядзенне адзінай платы за карыстанне падручнікамі.

Марадона - не першы

Беларусаў сярод людзей, якія цікавілі суайчыннікаў, у топ-10 няшмат. На дзесятым месцы размясцілася тэнісістка Арына Сабаленка, а астатнія да дзесяткі не дабраліся і пакінулі лідзіруючыя месцы ў сэрцах беларусаў для замежнікаў. На першым месцы сярод людзей, якія цікавілі нашых суайчыннікаў - баец Хабіб Нурмагамедаў, які ў "бітве стагоддзя" з Конарам Макгрэгарам абараніў тытул чэмпіёна UFC.

На другім апынуўся шоўмэн Гаген Сонцаў, які абышоў нават аргентынскага футбаліста Дыега Марадону, які нядаўна засвяціўся ў навінах, звязаных з ФК "Дынама-Брэст". Чацвёртым стаў футбаліст Арцём Дзюба, за ім - прадстаўнік Беларусі на "дарослым" "Еўрабачанні" спявак Alekseev, следам размясцілася фігурыстка Аліна Загітава.

Таксама ў дзясятку ўвайшлі савецкі музыкант Аляксандр Сяроў, варатар зборнай Расіі па футболе Ігар Акінфееў, які па-майстэрску адбіваў мячы іспанцаў на чэмпіянаце свету, і харвацкі футбаліст Лука Модрыч.

Хоць Чэмпіянат свету па футболе па запытах і абышоў Алімпіяду, прадстаўніца Расіі на Алімпіядзе Загітава размясцілася вышэй, чым варатар Акінфееў.

Каго ўспаміналі беларусы

У гэтым годзе з жыцця пайшлі вялікія дзеячы мастацтва і навукі. Беларусы шукалі інфармацыю аб выканаўцы Іосіфе Кабзоне, акцёры Алеге Табаковым, развітваліся з комікам Марынай Паплаўскай.

Шукалі ў сетцы і забітага гэтым летам рэпера XXXTentacion, шукалі і "Папялушку" Людмілы Сенчынай, і акцёра Мікалая Карачанцава, і фізіка Стывена Хокінга. У гэтым годзе ад нас сышлі акцёр Міхаіл Дзяржавін, спявак Яўген Осін. Аматары музыкі развіталіся і са шведскім дыджэем і прадзюсарам Avicii.

"Бонсцікі" замест iPhone

Год парадаваў навінкамі знатакоў мабільнай тэхнікі, але ў топ-10 запытаў беларусаў у "Яндэкс" не трапіў iPhone. На першым месцы размясціўся тэлефон Huawei P20 Lite, а адразу за ім - пятая калекцыя "Бонсцікаў". Іншыя месцы ў рэйтынгу таксама занялі тэлефоны.

Мабыць тыя, хто не гуляе ў "Бонсцікаў", часам гуляе менавіта з тэлефонамі, і "Яндэкс" распавёў, у што менавіта. З гульняў на першым месцы апынуўся Far Cry 5. З музыкі ж у пошукавіку ў гэтым годзе часцей за ўсё шукалі песню Філіпа Кіркорава "Цвет настроения синий", на другім месцы апынулася песня гурта Kazka "Плакала", а трэцім стаў юны беларускі спявак Ціма Беларускіх з хітом "Мокрые кроссы".

Калі вы пыталіся ў сяброў "Што паглядзець?", вывучыце топ запытаў беларусаў у катэгорыі "Фільмы". У гэтым годзе глядзелі ці, па меншай меры, шукалі, дзе паглядзець "Мсціўцаў", "Дэдпул 2" і расійскую карціну "Рух уверх". З серыялаў ў лідары выбіліся "Мажор", "Паліцэйскі з Рублёўкі" і "Хатні арышт". Сярод тэлешоў у лідэрах - "Халасцяк" і "Замуж за Бузаву".

Але калі рэйтынгу запытаў не давяраеце, то працягвайце пытацца саветаў у сяброў. Гэты спосаб знайсці добрае кіно надзейней, чым топ ананімных запытаў.

Тэги:
Беларусь, Яндэкс

Галоўныя тэмы