МІНСК, 4 вер — Sputnik. Графік работы Мінскага метрапалітэна зменіцца ў сувязі з правядзеннем 9 і 10 верасня святочных мерапрыемстваў, прысвечаных Дню горада.
9 верасня цягнікі пойдуць па графіку суботняга дня. З 20:00 да 24:00 інтэрвал руху цягнікоў на абедзвюх лініях складзе тры хвіліны, паведамілі ў сталічным метрапалітэне.
10 верасня метро будзе працаваць па графіку нядзелі, аднак з некаторымі зменамі. З 08:00 і да 17:00 інтэрвал руху цягнікоў па абедзвюх лініях складзе чатыры хвіліны.
Калі пасажырапаток у метрапалітэне павялічыцца, прадугледжаны рэзерв па абедзвюх лініях, які зможа аператыўна падлучыцца да перавозак.
Чытайце таксама:
У Мінску пакажуць шоў спяваючых фантанаў і паветраных шароў >>
