МІНСК, 24 сак – Sputnik. Беларуская федэрацыя барацьбы не забывае першых трэнераў спартсменаў, якія паказваюць высокі вынік, сказаў старшыня федэрацыі Камандар Маджыдаў у мультымедыйным прэс-цэнтры Sputnik Беларусь.
Ён адзначыў, што ўжо падышлі свае барцы, якія паказваюць высокі вынік на міжнароднай арэне. Па словах Маджыдава, трэба рыхтаваць спартсменаў на месцах так, каб прыезджыя легіянеры не былi перашкодай.
"Калі ёсць легіянер, мы рады, але ён павінен паказваць вынік, а не змагацца тут 10 гадоў марна. Пасля ліцэнзійнага турніру ў Будапешце многія трэнеры паверылі ў сябе, зразумелі, што мы можам рыхтаваць спартсменаў", - сказаў ён.
Кіраўнік БФБ падкрэсліў, што маладое пакаленне павінна трапіць у нармальныя рукі пры пераходзе з моладзевага у дарослы спорт, а першыя трэнеры павінны "перадаць, каб гэты пацан мог расці".
"Як кажуць некаторыя першыя трэнеры, вось плаціце мне таксама (як галоўнаму і старэйшаму трэнерам нацыянальнай каманды - Sputnik). На заводзе, напрыклад, хтосьці даўбешку зрабіў, іншы нешта іншае, трактар жа даражэй стаў. Так і ў нас - мы не забываемся пра першых трэнераў. Ацэньваем ўсіх. Гэта ўжо пастаўлена на паток", - падкрэсліў Маджыдаў.
Прафесійны паток ёсць
Як праходзіла прэс-канферэнцыя - глядзіце на Sputnik.
Чытайце таксама:
- Маісевіч: лёгкаатлетам на Алімпіядзе цалкам рэальна заваяваць 2-4 медалі
- Без права на памылку: беларускія баксёры разлічваюць на 4 пуцёўкі на Гульні
- Алімпіяда ў Токіа пройдзе без замежных балельшчыкаў
