Свята прыдумалі, каб падкрэсліць важнасць "першага" для здароўя чалавека. Але не спяшайцеся спакушацца! Далёка не ўсе супы карысныя.Ва ўсе часы супчык быў адносна простым і танным спосабам запоўніць страўнік. Аднак сёння дыетолагі папярэджваюць: не варта захапляцца тлустым булёнам або пераваранай гароднінай - карысці тут не больш, чым шкоды.І ўсё ж такі суп застаецца адной з галоўных страў у рацыёне чалавека. Рыхтуюць яго і самыя зорныя кухары, і простыя гаспадыні. А яшчэ ў супа ёсць "нацыянальнасць": дзякуючы гэтай страве турысты могуць лепш даведацца пра кухню і пра гісторыю той ці іншай краіны.Суп ёсць у кожнай культуры народаў свету. У дзясятку самых вядомых супоў Sputnik Беларусь ўвайшлі такія кулінарныя шэдэўры, як французскі цыбульны, андалузскі гаспача, славянскі боршч, японскі рамэн, тайскі том ям, французскі буйабес, грузінскі харчо, перуанскі чупе і іншыя.Чытайце таксама:
Штогод 5 красавіка святкуецца Міжнародны дзень супа. Прапануем вам некалькі самых папулярных супоў свету.
Свята прыдумалі, каб падкрэсліць важнасць "першага" для здароўя чалавека. Але не спяшайцеся спакушацца! Далёка не ўсе супы карысныя.
Ва ўсе часы супчык быў адносна простым і танным спосабам запоўніць страўнік. Аднак сёння дыетолагі папярэджваюць: не варта захапляцца тлустым булёнам або пераваранай гароднінай - карысці тут не больш, чым шкоды.
І ўсё ж такі суп застаецца адной з галоўных страў у рацыёне чалавека. Рыхтуюць яго і самыя зорныя кухары, і простыя гаспадыні. А яшчэ ў супа ёсць "нацыянальнасць": дзякуючы гэтай страве турысты могуць лепш даведацца пра кухню і пра гісторыю той ці іншай краіны.
Суп ёсць у кожнай культуры народаў свету. У дзясятку самых вядомых супоў Sputnik Беларусь ўвайшлі такія кулінарныя шэдэўры, як французскі цыбульны, андалузскі гаспача, славянскі боршч, японскі рамэн, тайскі том ям, французскі буйабес, грузінскі харчо, перуанскі чупе і іншыя.
Гаспача родам з іспанскай Андалусіі. Гэты лёгкі халодны суп з перацёртых у пюрэ таматаў і іншых свежай гародніны рыхтуецца і падаецца, як правіла, у гарачую пару года.
Рамэн - японская і кітайская страва з локшынай. Локшына і іншыя інгрэдыенты (яйкі, саленні і гародніна) варацца асобна ад булёна, у канцы ўсе "збіраецца" у адной місцы.
Французскі цыбульны суп вядомы са старажытных часоў. Гэта пасерованая цыбуля ў булёне з сырам і грэнкамі. Часам туды дадаюць белае віно або херас і настойваюць перад падачай.
Боршч з задавальненнем гатуюць ў многіх краінах Усходняй Еўропы і лічаць сваёй нацыянальнай стравай. Рэцэптаў яго падрыхтоўкі - мноства, але галоўны інгрэдыент - буракі.
Буйабес, або марсельская вуха - гэта суп французскіх рыбакоў. Ён рыхтаваўся з рэшткаў нераспраданай рыбы. А сёння гэта вытанчаная страва з морапрадуктаў - прывілей дарагіх рэстаранаў, дзе цана за талерку даходзіць да 200 еўра.
Том ям - кісла-востры суп з крэветкамі, курыцай, рыбай або іншымі морапрадуктамі родам з Лаоса і Тайланда. Асноўныя яго інгрэдыенты: лісце кафрскага лайма, галанга, перац чылі, леманграс, кінза, рыбны соус. Падаецца з рысам.
Харчо - нацыянальны грузінскі суп з ялавічыны з рысам, грэцкімі арэхамі і тклапІ або кіслым соусам ткемалі. Суп вельмі рэзкі, востры, з багаццем часныку і зеляніны.
Чупе з крэветак (чупе дэ камаронес) - гэта сметанковы крэмавы суп-пюрэ з крэветкамі і кукурузай з Перу. Таксама пры яго падрыхтоўцы выкарыстоўваецца рыс, бульба, часнык, лайм і какосавае малако.
Місо-суп - традыцыйны суп японскай кухні з пасты місо, якая вырабляецца шляхам закісання соевых бабоў, рысу, пшаніцы з дапамогай спецыяльнага віду плесневых грыбоў. Паста разводзіцца ў гарачым булёне, дадаецца тофу, сушанае багавінне, іншыя інгрэдыенты. У Японіі лічыцца, што місо дапамагае папярэдзіць хваробу і ўмацаваць арганізм.
Гарбузовы суп родам з Францыі ці Італіі, але даўно палюбіўся ва ўсім свеце. Яго рыхтуюць з гарбузоў з дабаўленнем мяккага сыру, сельдэрэю, траў. І абавязкова пасыпаюць гарбузовымі семкамі. Прыемнага апетыту!
