Лукашэнка дазволіў прадстаўнікам ЛНР дапытаць Пратасевіча
17:55 09.08.2021 (абноўлена: 20:24 22.02.2022)
© Sputnik / Виктор Толочко
Падпісацца
Паводле слоў беларускага лідара, прадстаўнікі ЛНР, якія прыязджалі ў Мінск, засталіся задаволены "гэтай размовай" з Пратасевічам.
МІНСК, 9 жні – Sputnik. Прадстаўнікі ЛНР прыязджалі ў Мінск і дапыталі апазіцыйнага блогера Рамана Пратасевіча, заявіў прэзідэнт Беларусі Аляксандр Лукашэнка, адказваючы на пытанні СМІ падчас "Вялікай размовы з прэзідэнтам".
Як раней паведамлялася, прадстаўнікі ЛНР прасілі пра такую сустрэчу ў сувязі з інфармацыяй аб дачыненні Пратасевіча да злачынстваў супраць жыхароў Данбаса.
"Яны ж (прадстаўнікі ЛНР - Sputnik) прыехалі сюды, яго дапыталі. Я сказаў: "так, няхай прыязджаюць, калі ёсць пытанні - хай задаюць, але ў Беларусі", - сказаў Лукашэнка.
Паводле яго слоў, ім такая сустрэча была прадастаўлена.
"Прыехалі, дапыталі, растлумачыў усё, яны засталіся задаволеныя гэтай размовай", - адзначыў прэзідэнт.
Інцыдэнт з самалётам Ryanair
Закранаючы сітуацыю з "замініраваным" самалётам, з якога знялі Пратасевіча і яго сяброўку расіянку Сафію Сапегу, Лукашэнка заявіў, што Мінск адкрыты да міжнароднага расследавання інцыдэнту. Запрасіў у тым ліку і ЗША.
"Па Ryanair (...) так мы ж адкрытыя для расследавання, чаго ж вы не прыехалі расследаваць? Мы ж амерыканцаў запрасілі. Факты на стол, рукі на стол. Прыязджайце! Ідзіце, глядзіце, дакажыце, што Лукашэнка пасадзіў гэты самалёт. А вы не едзеце расследаваць, таму што ўсе факты ў вас на руках і вы бачыце - не б'е, не атрымліваецца", - сказаў ён.
Самалёт Ryanair, які ляцеў з Афінаў у Вільнюс, 23 траўня экстранна сеў у мінскім аэрапорце з-за паведамлення аб мініраванні, якое ў выніку не пацвердзілася.
Хто такі Пратасевіч
Раман Пратасевіч - экс-галоўны рэдактар Telegram-канала NEXTA і рэдактар Telegram-канала "Беларусь галаўнога мозга" (абодва каналы прызнаныя ў Беларусі экстрэмісцкімі).
Ён быў затрыманы ў Мінску 23 траўня пасля прызямлення самалёта кампаніі Ryanair. Борт FR4978 ляцеў па маршруце Афіны - Вільнюс, але над тэрыторыяй Беларусі экіпаж атрымаў паведамленне пра выбуховую прыладу.
Пры праверцы дакументаў у мінскім аэрапорце Пратасевіча затрымалі, супраць яго распачата крымінальная справа, у тым ліку па артыкуле "арганізацыя масавых беспарадкаў". Захад заявіў, што Мінск прымусіў борт прызямліцца ў сваім аэрапорце пад надуманай падставай. Некаторыя авіякампаніі абвясцілі Мінску "паветраную блакаду".
Пратасевіч стаў фігурантам трох крымінальных спраў. Па некаторых пунктах абвінавачання ён цалкам прызнаў віну.
Чытайце таксама:
Пратасевіч раскрыў нюансы працы Telegram-каналаў пасля выбараў у Беларусі
СК патлумачыў, чаму Сапегу і Пратасевіча адправілі пад хатні арышт
Галоўчанка аб чацвёртым пакеце санкцый ЕС: без адказу не пакінем
Яшчэ сем краін закрываюць паветраную прастору для Беларусі
Кіраўнік Ryanair распавёў, калі апублікуюць даклад па борце Афіны – Вільнюс
Раман Пратасевіч прыйшоў на прэс-канферэнцыю ў Нацыянальны прэс-цэнтр
IATA заклікала адмяніць забарону на палёты над Беларуссю
Пуцін абверг дачыненне расійскіх спецслужбаў да затрымання Пратасевіча
Кіраўнік еўрадыпламатыі пракаменціраваў інцыдэнт з рэйсам Ryаnair у Мінску
Сітуацыя ў аэрапорце "Мінск" і затрыманне Пратасевіча: што вядома
