Пікет на мяжы: мігранты патрабуюць ад ЕС адкрыць гуманітарны калідор
14:28 25.11.2021 (абноўлена: 15:34 25.11.2021)
© Sputnik / Павел Бедняков
/ Падпісацца
Бежанцы заяўлялі, што жадаюць жыць у мірнай, стабільнай краіне, і адмаўляюць, што яны эканамічныя мігранты.
МІНСК, 25 ліс – Sputnik. Мігранты з краін Блізкага Усходу паблізу пункта пропуску "Брузгі" на беларуска-польскай мяжы арганізаваліі мітынг - яны патрабуюць ад улад ЕС прыняць рашэнне аб адкрыцці гуманітарнага калідора, каб трапіць у Германію.
Некалькі дзясяткаў бежанцаў трымалі плакаты, на якіх па-англійску напісана "Мы не можам вярнуцца ў Ірак". Яны выкрыквалі адпаведныя лозунгі ў бок польскіх сілавікоў, якія стаяць у ачапленні на лініі мяжы.
Дзеці трымаюць плакат "Мы не будзем свабоднымі ў Курдыстане" каля цэнтра часовага ўтрымання мігрантаў
© Sputnik / Павел Бедняков
/ Таксама бежанцы заявілі, што жадаюць жыць у мірнай, стабільнай краіне, і адмаўляюць, што яны эканамічныя мігранты.
Пікет прайшоў у агароджанай зоне, інцыдэнтаў не зафіксавана.
Мігранты на мяжы
На мяжы недалёка ад пункта пропуску "Брузгі" знаходзіцца некалькі тысяч бежанцаў з краін Блізкага Усходу. Пасля таго, як людзі больш за тыдзень пражылі ў палатачным лагеры, частка з іх вырашыла з'ехаць, астатніх размясцілі ў будынку транспартна-лагістычнага цэнтра.
Амаль з першых дзён для іх паспрабавалі арганізаваць інфраструктуру і побыт: падвезлі дровы, каб бежанцы не секлі лес, устанавілі біяпрыбіральні, смеццевыя бакі і рэгулярна падвозяць ваду і прадукты.
Цяпер, калі мігранты знаходзяцца ў ТЛЦ, для іх арганізавана гарачае харчаванне (палявая кухня), раздаюцца сухпайкі і прысмакі для дзяцей. На месцы працуе аўтакрама, дзе можна купіць неабходныя прадукты, часам пад'язджае "крама на колах" з адзеннем.
Акрамя таго, у ТЛЦ пастаянна дзяжураць дзве брыгады хуткай дапамогі, працуюць супрацоўнікі МНС. У цэнтры для мігрантаў таксама адкрылі пункт вакцынацыі, а нядаўна ўстанавілі палаткі, дзе можна памыцца.
Таксама на Sputnik:
Польшча не хоча ўводзіць новыя санкцыі супраць Беларусі
Такой лазні яны не бачылі: мігрантам арганізавалі водныя працэдуры – відэа
Пуцін абмеркаваў "беларускіх" мігрантаў з кіраўніком Еўрасавета
Мігранты паспрабавалі прайсці ў Польшчу – сілавікі адкрылі стральбу
Польшча пакуль не збіраецца адкрываць пункт пропуску "Кузніца"
Украіна раптоўна вырашыла прыняць мігрантаў? Эксперт распавёў, дзе падвох
Трэба спыніць штучны рух мігрантаў - Барэль
Эстонія дапаможа Польшчы будаваць загароду на мяжы з Беларуссю
Польшча гатова закрыць межы з Беларуссю – Маравецкі
Меркель адмовілася прыняць мігрантаў з мяжы - крыніца
Газ, вадамёты, светлашумавыя гранаты: Польшча сустрэла мігрантаў – відэа
