Наступствы непагадзі: паваленыя ёлкі, разбураныя дамы і пацярпеўшыя

© Sputnik / Виктор ТолочкоМоцны вецер у Мінску
Моцны вецер у Мінску - Sputnik Беларусь, 1920, 15.01.2022
Падпісацца
Учора па ўсёй Беларусі назіраліся моцныя парывы ветру – да 32 м/с. Не абышлося без сур'ёзных разбурэнняў: лятаючыя дахі, прыпыначныя пункты і рэкламныя шчыты. Ёсць пацярпеўшыя.
МІНСК, 15 сту – Sputnik. З-за непагадзі ў Беларусі з пятніцы на суботу пацярпелі 458 населеных пунктаў. Аператыўную зводку па рэспубліцы прыводзіць МНС.
Разруха пасля моцнага ветру назіралася ў гарадах і вёсках 58 раёнаў. Мацней за ўсё "ўраган" прайшоўся па Мінску, Мінскай вобласці (178 населеных пункта пацярпелі) і Магілёўскай вобласці (120 населеных пунктаў).
Адна сельгаспабудова поўнасцю разбурана – склад у Свіслацкім раёне Гродзенскай вобласці. Іншыя разбурэнні ад моцнага ветру:
пашкоджаны дахі 427 жылых дамоў, 66 аб'ектаў сацкультбыту, 20 вытворчых і 602 сельскагаспадарчых будынкаў,
зафіксаваны 170 выпадкаў падзення дрэў у Брэсцкай (7), Віцебскай (10), Гомельскай (21), Гродзенскай (20), Мінскай (78), Магілёўскай (11) абласцях і ў Мінску (23),
пашкоджаны 32 аўтамабілі,
у Ляхавіцкім, Талачынскім, Воранаўскім і Магілёўскім раёнах дрэвы ўпалі на чыгуначныя пуці і паветраныя лініі электраперадач. Затрымка руху 18 пасажырскіх і 24 грузавых цягнікоў склала ад 11 хвілін да 3 гадзін 22 хвілін.
З цэнтральных плошчаў Нясвіжа і Гомеля ветрам знесла навагоднія ёлкі.
Работы па ліквідацыі наступстваў непагадзі яшчэ вядуцца.

Ёсць пацярпеўшыя

З-за непагадзі некалькі чалавек апынуліся ў бальніцах. Так, на пр-це Ракасоўскага, 3 у Мінску адарванае ветрам пакрыццё ад прыпынку траўміравала пенсіянерку 1955 года нараджэння: яе даставілі ў бальніцу і адпусцілі пасля аказання медыцынскай дапамогі.
А ў Магілёве з-за сарваных рэкламных шчытоў траўмы атрымалі двое - мужчына 1973 года нараджэння і дзяўчына 1990 года нараджэння. Абодва знаходзяцца ў бальніцы.
У Мінску рыбакі на вадасховішчы Дразды не змаглі ступіць на бераг – вецер быў настолькі моцны, што выносіў іх па слізкім лёдзе ўсё далей і далей. На дапамогу прыйшлі супрацоўнікі МНС і дапамаглі выбрацца 15 аматарам зімовай рыбалкі. Ніхто не пацярпеў.

Без святла і ацяплення

Працягваюцца па ўсёй краіне аднаўленчыя працы ліній электраперадач і трубаправодаў.
Паводле даных "Белэнерга", на працягу такіх ветраных сутак па ўсёй краіне перыядычна парушалася электразабеспячэнне 3114 населеных пунктаў (Брэсцкая вобласць - 90, Віцебская - 915, Гомельская - 362, Гродзенская - 373, Мінская - 882, Магілёўская - 492).
Адключэнні аператыўна ўхіляюцца аварыйнымі брыгадамі. Па стане на 6:00 15 студзеня без электразабеспячэння заставаліся 366 населеных пунктаў:
у Віцебскай вобласці - 67,
у Гомельскай вобласці - 44,
у Гродзенскай вобласці - 39,
у Мінскай - 60, Магілёўскай - 156).
У Оршы на чыгуначныя пуці ўпала цеплатраса. Паводле звестак МНС, без ацяплення былі інтэрнат, прыватны жылы дом і два адміністрацыйныя будынкі.
Таксама на Sputnik:
Наступствы стыхіі: як Мінск пацярпеў ад "урагану" – відэа
Амаль 1000 дрэў упалі ў Мінску з-за моцнага ветру ў пятніцу
Ураганны вецер у Мінску: паламаныя дрэвы і разбітыя вітрыны – фотафакт
Стужка навiн
0