Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Мінабароны РФ: тэхніка марпехаў і артылерыстаў прыбыла ў Беларусь

© Photo : Минобороны РоссииТэхніка расійскіх марпехаў і артылерыстаў прыбыла ў Беларусь
Тэхніка расійскіх марпехаў і артылерыстаў прыбыла ў Беларусь - Sputnik Беларусь, 1920, 25.01.2022
Падпісацца на
Yandex newsTelegram
Расійскія і беларускія вайскоўцы правядуць сумесную праверку сіл рэагавання Саюзнай дзяржавы.
МІНСК, 25 сту – Sputnik. Узбраенне і ваенная тэхніка артылерыстаў расійскай Усходняй ваеннай акругі і марской пяхоты Ціхаакіянскага флоту, якія ўдзельнічаюць у праверцы сіл рэагавання Саюзнай дзяржавы, прыбылі ў Беларусь, паведамілі ў Мінабароны Расіі.
"Эшалоны з узбраеннем і ваеннай тэхнікай артылерыйскіх падраздзяленняў Усходняй ваеннай акругі і падраздзяленняў марской пяхоты Ціхаакіянскага флоту прыбылі на станцыі разгрузкі", – гаворыцца ў паведамленні.
Пасля разгрузкі асабісты склад перамесціцца на штатнай тэхніцы ў зададзеныя раёны, дзе абсталюе камандныя пункты, палявыя лагеры і паркі баявых машын.
Напярэдадні Мінабароны Беларусі паказала, як сустракаюць чарговы эшалон з вайскоўцамі і ваеннай тэхнікай з Расіі на чыгуначнай станцыі "Палонка".

Расійска-беларускія манеўры

Расійскія і беларускія вайскоўцы правядуць сумесную праверку сіл рэагавання Саюзнай дзяржавы. Першы этап прадугледжвае перадыслакацыю і фарміраванне групоўкі войск да 9 лютага. Потым на другім этапе з 10 па 20 лютага пройдуць вучэнні "Саюзная рашучасць-2022".
У сумесных манеўрах прымуць удзел розныя падраздзяленні беларускай арміі, а таксама часці Усходняй ваеннай акругі РФ, Паветрана-касмічных сіл і Паветрана-дэсантных войск.
Згодна з афіцыйнымі паведамленнямі абаронных ведамстваў дзвюх краін у Беларусь на вучэнні прыбудуць знішчальнікі Су-35, дывізіёны С-400 "Триумф", а таксама комплексы "Панцирь-С".
Асноўная фаза вучэнняў пройдзе на палігонах Брэсцкай, Гродзенскай і Магілёўскай абласцей - "Абуз-Лясноўскім", "Асіповіцкім", "Брэсцкім", "Гожскім" і "Даманаўскім". Мінабароны Беларусі плануе таксама задзейнічаць аэрадромы Баранавіч, Лунінца, Ліды і Мачулішчаў.
Вынікам сумесных вучэнняў расійскіх і беларускіх узброеных сіл стане ацэнка здольнасці выканаць задачы па забеспячэнні ваеннай бяспекі Саюзнай дзяржавы.
Як заяўлялі ў Мінабароны Беларусі, вучэнні будуць мець выключна абарончы характар.
У Маскве таксама неаднаразова адзначалі, што падставаў для неспакою на Захадзе ў сувязі з сумеснымі вучэннямі Расіі і Беларусі няма.
Эшалон з ваеннай тэхнікай РФ - Sputnik Беларусь, 1920, 24.01.2022
Саюзная дзяржава Беларусі і Расіі
Новыя эшалоны расійскай ваеннай тэхнікі прыбываюць у Беларусь
Чытайце таксама:
Абараняцца мы ўмеем: Лукашэнка адказаў на пагрозы ЗША
Яшчэ адзін эшалон з ваеннай тэхнікай з Расіі прыбыў у Беларусь
Расійскія Су-35С адпрацуюць палёты на максімальную далёкасць у Беларусі
Лукашэнка: Беларусь і Расія "ламануць так, што мала не здасца"
Дывізіёны С-400 адправіліся з Расіі ў Беларусь
Стужка навiн
0